ସରକାରୀ ବ୍ୟାଙ୍କ ଋଣ ଦେବାକୁ ମନା କରିବାରୁ ଚାଷ ପାଇଁ ନିଜ କିଡ୍ନି ବିକିଲେ ଅସହାୟ ଚାଷୀ
ନୂଆଦିଲ୍ଲୀ : ଭାରତରେ ଅଧିକାଂଶ ଲୋକେ ଚାଷ କରି ନିଜର ଜୀବିକା ନିର୍ବାହ କରିଥାନ୍ତି । ଚାଷୀ ହିଁ ଦେଶର ମେରୁଦଣ୍ଡ ବୋଲି କୁହାଯାଉଥିଲେ ମଧ୍ୟ ଚାଷୀ ପ୍ରତି ସବୁବେଳେ ଅବହେଳା କରାଯାଇଥାଏ ।ଏହାର ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ମଧ୍ୟପ୍ରଦେଶରେ । ବ୍ୟାଙ୍କରୁ ଋଣ ନ ମିଳିବାରୁ ଜଣେ ଚାଷୀ ନିଜର କିଡ୍ନି ବିକିବାକୁ ବାଧ୍ୟ ହୋଇଥିଲେ ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନାନୁସାରେ, ଚତ୍ତର ସାଲି ଗାଁରେ ରହୁଥିବା ୩୦ବର୍ଷୀୟ ରାମକୁମାର କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ କୌଶଲ ବିକାଶ ଯୋଜନା ଅଧିନରେ ପଶୁପାଳନ ସଂପର୍କିତ ପାଠ୍ୟକ୍ରମ ସାରିଥିଲେ । ପରେ ପଶୁପାଳନ ପାଇଁ ଏକ ଘର କରିବାକୁ ଚିନ୍ତା କରିବା ସହ ନିଜର ପ୍ରମାଣପତ୍ର ନେଇ ବ୍ୟାଙ୍କରେ ଋଣ ପାଇଁ ପହଞ୍ଚିଥିଲେ । କିନ୍ତୁ ତାଙ୍କୁ ଋଣ ମିଳି ନଥିଲା । ଯାହା ପାଇଁ ରାମକୁମାର ନିଜ ପଡ଼ୋଶୀଙ୍କଠାରୁ ଟଙ୍କା ଆଣି ଘରେ ଗୁହାଳ ତିଆରି କରିଥିଲେ । କିଛି ଦିନ ପରେ ରାମକୁମାରଙ୍କ ସଂପର୍କୀୟ ଦେଇଥିବା ଟଙ୍କା ସୁଧ ସମେତ ମାଗିଥିଲେ ମଧ୍ୟ ରାମ କୁମାର ଦେଇ ପାରି ନ ଥିଲେ । ଯାହା ପାଇଁ ତାଙ୍କୁ ନିଜର କିଡ୍ନି ବିକ୍ରି କରିବାକୁ ପଡ଼ିଥିଲା ।