କଂଗ୍ରେସ ହାଇକମାଣ୍ଡ୍ ବାଛିବେ ହିମାଚଳ ମୁଖ୍ୟମନ୍ତ୍ରୀ
ସିମଲା : ହିମାଚଳ ପ୍ରଦେଶରେ କଂଗ୍ରେସ ବିଧାୟକ ଦଳ ବୈଠକ ଶୁକ୍ରବାରଦିନ ବସିଥିଲା । ଏହି ବୈଠକରେ ଏକ ଧାଡ଼ିକିଆ ପ୍ରସ୍ତାବ ଗୃହୀତ ହୋଇଛି । ଏଥିରେ ହାଇକମାଣ୍ଡଙ୍କୁ ନୂଆ ମୁଖ୍ୟମନ୍ତ୍ରୀ ବାଛିବାର ଅଧିକାର ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏହି ପାହାଡି ରାଜ୍ୟରେ ବିଜୟ ପରେ କଂଗ୍ରେସ ଏବେ ମୁଖ୍ୟମନ୍ତ୍ରୀ ବାଛିବାରେ ସମସ୍ୟାର ସମ୍ମୁଖୀନ ହେଉଛି, କାରଣ ଏଥିପାଇଁ ଅନେକ ପ୍ରତିଦ୍ୱନ୍ଦ୍ୱୀ ଆଗକୁ ଆସୁଛନ୍ତି । ଏହାକୁ ଦୃଷ୍ଟିରେ ରଖି ଆଜି ରାଜ୍ୟର ନବ ନିର୍ବାଚିତ ବିଧାୟକଙ୍କ ଏହି ବୈଠକ ଡକାଯାଇଥିଲା ।
ମୁଖ୍ୟମନ୍ତ୍ରୀ ପଦ ପାଇଁ କଂଗ୍ରେସର ଅନେକ ଆଶାୟୀ ପ୍ରାର୍ଥୀ ଅଛନ୍ତି । ଏହି ଦୌଡ଼ରେ ଆଗୁଆ ଅଛନ୍ତି ହେଉଛନ୍ତି କଂଗ୍ରେସର ହିମାଚଳ ପ୍ରଦେଶ ମୁଖ୍ୟ ପ୍ରତିଭା ସିଂ, ଯିଏକି ସ୍ୱର୍ଗତ ପୂର୍ବତନ ମୁଖ୍ୟମନ୍ତ୍ରୀ ବୀରଭଦ୍ର ସିଂଙ୍କ ପତ୍ନୀ। ପ୍ରତିଭା ସିଂ ଏବେ ମଣ୍ଡି ଲୋକସଭା ସାଂସଦ ଅଛନ୍ତି । ସେ ଏହି ନିର୍ବାଚନରେ ପ୍ରଚାରର ନେତୃତ୍ବ ନେଇଥିଲେ । କିନ୍ତୁ ସେ ନିର୍ବାଚନ ଲଢିନଥିଲେ । ତାଙ୍କ ପଛରେ କିଛି କଂଗ୍ରେସ ବିଧାୟକଙ୍କ ସମର୍ଥନ ଅଛି ବୋଲି କୁହାଯାଉଛି ।
ଏଗୁଡ଼ିକ ବ୍ୟତୀତ ବିଦାୟୀ ବିଧାନସଭାରେ ବିରୋଧୀ ଦଳ ନେତା ସୁଖବିନ୍ଦର ସିଂ ସୁଖୁ, କଂଗ୍ରେସ ବିଧାୟକ ଦଳ ନେତା ମୁକେଶ ଅଗ୍ନିହୋତ୍ରୀ ଏବଂ ହର୍ଷବର୍ଦ୍ଧନ ଚୌହାନ ଓ ଆଉ ତିନି ଜଣ ପ୍ରତିଦ୍ୱନ୍ଦ୍ୱୀ ଅଛନ୍ତି । ଏହି କାରଣରୁ ମୁଖ୍ୟମନ୍ତ୍ରୀ ବାଛିବା ହାଇକମାଣ୍ଡଙ୍କ ପାଇଁ କଷ୍ଟକର ହୋଇପଡ଼ିଛି ।