ମହାବଳିପୁରମରେ ଦେଶର ସର୍ବାଧିକ ବର୍ଷା, ୨ୟ ସ୍ଥାନରେ ଓଡ଼ିଶାର ବୌଦ୍ଧ
ସର୍ବାଧିକ ବର୍ଷା ହୋଇଥିବା ଦେଶର ୧୦ଟି ସ୍ଥାନ ମଧ୍ୟରୁ ଓଡ଼ିଶାର ୫
ଭୁବନେଶ୍ବର : ବଙ୍ଗୋପସାଗରରେ ଏକ ଲଘୁଚାପ ସୃଷ୍ଟି ହେବା ସହ ରାଜ୍ୟରେ ପୁଣି ସକ୍ରିୟ ହୋଇଯାଇଛି ମୌସୁମୀ ବାୟୁ । ଏହାର ପ୍ରଭାବରେ ଗତକାଲିଠାରୁ ରାଜ୍ୟର ଅଧିକାଂଶ ଜିଲ୍ଲାରେ ପ୍ରବଳ ବର୍ଷା ଲାଗି ରହିଛି । ଏପରିକି ଓଡ଼ିଶାର କେତେକ ସ୍ଥାନରେ ଏତେ ବର୍ଷା ହୋଇଛି ଯେ ସେଗୁଡ଼ିକ ଗତ ୨୪ ଘଣ୍ଟାରେ ସର୍ବାଧିକ ବର୍ଷା ହୋଇଥିବା ଦେଶର ପ୍ରଥମ ୧୦ଟି ସ୍ଥାନ ମଧ୍ୟରେ ସ୍ଥାନ ପାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଘରୋଇ ପାଣିପାଗ ସଂସ୍ଥା ସ୍କାଏମେଟର ଏକ ରିପୋର୍ଟ ଅନୁସାରେ ଗତ ୨୪ ଘଣ୍ଟା (ଶୁକ୍ରବାର ସକାଳ ୮ଟା ସୁଦ୍ଧା)ରେ ସର୍ବାଧିକ ବର୍ଷା ହୋଇଥିବା ଦେଶର ୧୦ଟି ସ୍ଥାନ ମଧ୍ୟରୁ ଓଡ଼ିଶାର ସର୍ବାଧିକ ୫ଟି ସ୍ଥାନ ରହିଛି । ସେଗୁଡ଼ିକ ହେଉଛି ବୌଦ୍ଧ, ଚାନ୍ଦବାଲି, ପୁରୀ, ସୋନପୁର ଓ ପାରାଦୀପ ।
ଏହି ତାଲିକାର ପ୍ରଥମ ସ୍ଥାନରେ ରହିଛି ମହାରାଷ୍ଟ୍ରର ମହାବଳିପୁରମ୍ । ଏଠାରେ ଗତ ୨୪ ଘଣ୍ଟାରେ ରେକର୍ଡ ୫୯୪ ମିଲିମିଟର ବର୍ଷା ହୋଇଛି । ଏହା ତଳକୁ ୨ୟ ସ୍ଥାନରେ ରହିଛି ଓଡ଼ିଶାର ବୌଦ୍ଧ । ଏଠାରେ ୧୭୭ ମିଲିମିଟର ବର୍ଷା ହୋଇଛି । ୩ୟ ସ୍ଥାନରେ ରହିଛି ଓଡ଼ିଶାର ଚାନ୍ଦବାଲି । ଏଠାରେ ୧୫୬ ମିଲିମିଟର ବର୍ଷା ହୋଇଛି ।
ଲଘୁଚାପ ପ୍ରଭାବରେ ଆଗାମୀ କିଛି ଦିନ ଧରି ଓଡ଼ିଶାରେ ବର୍ଷା ଲାଗି ରହିବ ବୋଲି ଉଭୟ ଭାରତୀୟ ପାଣିପାଗ ବିଭାଗ ଓ ସ୍କାଏମେଟ ପୂର୍ବାନୁମାନ କରିଛନ୍ତି ।