ପିଓକେ ସ୍କୁଲରେ ହିଜାବ ବାଧ୍ୟତାମୂଳକ
ଇସ୍ଲାମାବାଦ : ପାକ୍ ଅଧିକୃତ କଶ୍ମୀର (ପିଓକେ)ରେ ସେଠାକାର ପ୍ରଶାସନ ଛାତ୍ରୀ ଓ ଶିକ୍ଷକମାନଙ୍କ ଉପରେ ତାଲିବାନୀ ଆଦେଶ ଜାରି କରିଛି । ଯେଉଁ ଝିଅମାନେ ହିଜାବ ପିନ୍ଧିବେ ନାହିଁ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ନୂଆ ନିର୍ଦ୍ଦେଶନାମାରେ କୁହାଯାଇଛି । ଏହି ଆଦେଶ ଅନୁଯାୟୀ ପାକିସ୍ତାନ ଅଧିକୃତ କଶ୍ମୀର (ପିଓକେ) ସରକାର ସୋମବାର ଶିକ୍ଷାନୁଷ୍ଠାନରେ ଛାତ୍ରୀ ଓ ଶିକ୍ଷକମାନଙ୍କ ପାଇଁ ହିଜାବ ପିନ୍ଧିବା ବାଧ୍ୟତାମୂଳକ କରିବା ସହ ଯେଉଁମାନେ ଏହାକୁ ବିଶ୍ୱାସ କରନ୍ତି ନାହିଁ ସେମାନଙ୍କୁ ମଧ୍ୟ କଡ଼ା ନିର୍ଦ୍ଦେଶ ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନ ଅଧିକୃତ କଶ୍ମୀର (ପିଓକେ) ସରକାର ଚେତାବନୀ ଦେଇଛନ୍ତି ଯେ କର୍ତ୍ତୃପକ୍ଷଜାରି କରିଥିବା ନିର୍ଦ୍ଦେଶାବଳୀକୁ କାର୍ଯ୍ୟକାରୀ ନକଲେ ଅନୁଷ୍ଠାନଗୁଡ଼ିକ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ତେବେ ହିଜାବ ନ ପିନ୍ଧିଥିବା ଛାତ୍ରଛାତ୍ରୀ ଓ ଶିକ୍ଷକଙ୍କ ବିରୋଧରେ କ’ଣ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ତାହା ବିଜ୍ଞପ୍ତିରେ ସ୍ପଷ୍ଟ କରାଯାଇ ନାହିଁ। ଏହି ସର୍କୁଲାର ପଛର କାରଣ ବର୍ଣ୍ଣନା କରି ଶିକ୍ଷା ବିଭାଗ ର ଅଧିକାରୀମାନେ କହିଛନ୍ତି ଯେ କର୍ତ୍ତୃପକ୍ଷ ପୂର୍ବରୁ ଜାରି କରିଥିବା ଡ୍ରେସ୍ କୋଡ୍ କୁ ଶିକ୍ଷାନୁଷ୍ଠାନ ମୁଖ୍ୟମାନେ କାର୍ଯ୍ୟକାରୀ କରୁନାହାନ୍ତି। ତେବେ ପୂର୍ବରୁ ଜାରି ହୋଇଥିବା ଡ୍ରେସ୍ କୋଡ୍ ସମ୍ପର୍କରେ ଶିକ୍ଷା ଅଧିକାରୀସୂଚନା ଦେଇପାରିନଥିଲେ ।