ହିମାଚଳ ପ୍ରଦେଶ : ଭୋଟ ଗଣତି ଶେଷ, ୪୦ଟି ଆସନ ସହ ସରକାର ଗଢିବ କଂଗ୍ରେସ, ଇସ୍ତଫା ଦେଲେ ମୁଖ୍ୟମନ୍ତ୍ରୀ ଜୟରାମ
ସିମଲା : ହିମାଚଳ ପ୍ରଦେଶରେ ଭୋଟ ଗଣତି ଶେଷ ହୋଇଛି । କଂଗ୍ରେସ ୪୦ଟି ଆସନରେ ବିଜୟ ସହ ପରବର୍ତ୍ତୀ ସରକାର ଗଢିବା ନିଶ୍ଚିତ କରିଛି । ବିଜେପି ୨୫ଟି ଆସନରେ ବିଜୟ ହାସଲ କରି ବିରୋଧୀ ଦଳରେ ରହିବ । ଅନ୍ଯପକ୍ଷରେ ଆମ ଆଦମି ପାର୍ଟି ଏହି ରାଜ୍ୟରେ ଖାତା ଖୋଲିପାରିନାହିଁ । ବିଜେପି ପକ୍ଷରୁ ଜନାଦେଶକୁ ସ୍ବୀକାର କରାଯିବା ସହ ମୁଖ୍ୟମନ୍ତ୍ରୀ ଜୟରାମ ଠାକୁର ଇସ୍ତଫା ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ତେବେ ସେ କହିଛନ୍ତି ଯେ ରାଜ୍ୟ ଇତିହାସରେ ସବୁଠାର କମ ଭୋଟ ପ୍ରତିଶତ ପାଇଁ କଂଗ୍ରେସ ସରକାର ଗଠନ କରିବାକୁ ଯାଉଛି । କିନ୍ତୁ ସେ ଜନାଦେଶକୁ ସ୍ବୀକାର କରୁଛନ୍ତି । ରାଜ୍ୟରେ କଂଗ୍ରେସ ୪୩.୯୦ ପ୍ରତିଶତ ଭୋଟ ପାଇଥିବାବେଳେ ବିଜେପି ୪୩ ପ୍ରତିଶତ ଭୋଟ ପାଇଛି ।
ଅନ୍ୟପକ୍ଷରେ ହିମାଚଳ ପ୍ରଦେଶର ଭୋଟରଙ୍କ ପ୍ରତି କୃତଜ୍ଞତା ଜ୍ଞାପନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ସେ କହିଛନ୍ତି ଯେ ହିମାଚଳ ନିର୍ବାଚନରେ ବିଜୟ ଓ ପରାଜୟ ମଧ୍ୟରେ ୧ ପ୍ରତିଶତ ଭୋଟର ଅନ୍ତର ରହିଛି । ଏହାର ଅର୍ଥ ହେଉଛି ସେଠାକାର ଲୋକମାନେ ବିଜେପିକୁ ଜିତାଇବାକୁ ବି ଭରପୁର ଉଦ୍ୟମ କରିଛନ୍ତି । ଏଣୁ କେନ୍ଦ୍ର ସରକାର ହିମାଚଳ ପ୍ରଦେଶର ବିକାଶ ପାଇଁ ପ୍ରତିଜ୍ଞାବଦ୍ଧ ରହିବେ ।