ହିନ୍ଦୁ ବିବାହକୁ କୌଣସି ଚୁକ୍ତି ପରି ଭଙ୍ଗ କରାଯାଇପାରିବ ନାହିଁ: ଆହ୍ଲାବାଦ ହାଇକୋର୍ଟ

ନୂଆଦିଲ୍ଲୀ: ଆହ୍ଲାବାଦ ହାଇକୋର୍ଟ  ଆଜି ଏକ ରାୟରେ କହିଛନ୍ତି ଯେ ହିନ୍ଦୁ ବିବାହ ପବିତ୍ର ଏବଂ ଏହାକୁ କୌଣସି ଚୁକ୍ତି ପରି ଭଙ୍ଗ କରାଯାଇପାରିବ ନାହିଁ। ଛାଡ଼ପତ୍ର କେବଳ ଚୂଡ଼ାନ୍ତ ଆଦେଶରେ ବୈଧ ପାରସ୍ପରିକ ସହମତିରେ ହୋଇପାରିବ।  ହାଇକୋର୍ଟ କହିଛନ୍ତି ଯେ ହିନ୍ଦୁ ବିବାହକୁ ଏକ ଚୁକ୍ତି ଭାବେ ଗ୍ରହଣ କରି ଏହାକୁ ଭଙ୍ଗ କରାଯାଇପାରିବ ନାହିଁ କିମ୍ବା ଚୁକ୍ତି ଭଳି ବ୍ୟବହାର କରାଯାଇପାରିବ ନାହିଁ। 

ଛାଡ଼ପତ୍ର କେବଳ ପାରସ୍ପରିକ ସହମତିରେ ହୋଇପାରିବ

ଏକ ପବିତ୍ର ବନ୍ଧନ ଭାବରେ ବିବେଚନା କରାଯାଉଥିବା ହିନ୍ଦୁ ବିବାହ କେବଳ ସୀମିତ ପରିସ୍ଥିତିରେ ଉଭୟ ପକ୍ଷ ଦ୍ୱାରା ପ୍ରଦାନ କରାଯାଇଥିବା ପ୍ରମାଣ ଆଧାରରେ ଆଇନଗତ ଭାବରେ ଭଙ୍ଗ କରାଯାଇପାରିବ।  ଜଷ୍ଟିସ୍ ସୌମିତ୍ର ଦୟାଲ ସିଂହ ଓ ଡି ରମେଶଙ୍କୁ ନେଇ ଗଠିତ ଖଣ୍ଡପୀଠ   ବିବାହ ବିଚ୍ଛେଦ ବିରୋଧରେ ଜଣେ ମହିଳାଙ୍କ ଆବେଦନ ମାମଲାରେ ରାୟ ଶୁଣାଇ କହିଛନ୍ତି ଯେ  ଅଦାଲତ କେବଳ ପାରସ୍ପରିକ ସହମତିରେ ଛାଡ଼ପତ୍ର ଦେଇପାରିବେ।  ଯଦି କୌଣସି ପକ୍ଷ ଚୂଡ଼ାନ୍ତ ନିଷ୍ପତ୍ତି ପୂର୍ବରୁ ସେମାନଙ୍କ ସମ୍ମତି ପ୍ରତ୍ୟାହାର କରନ୍ତି, ତେବେ ପ୍ରାରମ୍ଭିକ ସହମତି ଆଧାରରେ ଛାଡ଼ପତ୍ର ଗ୍ରହଣ କରିପାରିବେ ନାହିଁ।