ଢ‌ାକା: ବାଂଲାଦେଶ ମଧ୍ୟବର୍ତ୍ତୀକାଳୀନ ସରକାରୀ ମୁଖ୍ୟ ମହମ୍ମଦ ୟୁନୁସ ମଙ୍ଗଳବାର ଦିନ ଢାକାସ୍ଥିତ ଢାକେଶ୍ୱରୀ ମନ୍ଦିର ପରିଦରିର୍ଶନ କରିଛନ୍ତି । ଏହା ସହିତ ଢାକାରେ ସଂଖ୍ୟାଲଘୁ ହିନ୍ଦୁ ସମ୍ପ୍ରଦାୟର ନେତା ଏବଂ ଛାତ୍ରଙ୍କ ସହ ୟୁନୁସ୍ ମଧ୍ୟ ସାକ୍ଷାତ କରିଛନ୍ତି।

Advertisment

ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କୁ କ୍ଷମତାଚ୍ୟୁତ କରାଯିବା ପରେ ସେ ଦେଶରୁ ପଳାୟନ କରିଥିଲେ। ହାସିନା ବର୍ତ୍ତମାନ ଏକ ଅଜ୍ଞାତ ସ୍ଥାନରେ ଭାରତରେ ଥିବାବେଳେ ନୋବେଲ ବିଜେତା ମହମ୍ମଦ ୟୁନୁସଙ୍କୁ ମଧ୍ୟବର୍ତ୍ତୀକାଳୀନ ସରକାରର ମୁଖ୍ୟ ଭାବରେ ନିଯୁକ୍ତ କରାଯାଇଛି।

ଆଇଏଏନଏସ୍ ଅନୁଯାୟୀ ସରକାର ହିନ୍ଦୁମାନଙ୍କ ଉପରେ ହିଂସା ଘଟଣାର ରିପୋର୍ଟ ପାଇଁ ହଟଲାଇନ ଆରମ୍ଭ କରିବାକୁ ଏବଂ ପୀଡିତମାନଙ୍କୁ ଆର୍ଥିକ ସହାୟତା ପ୍ରଦାନ କରିବାକୁ ଯୋଜନା କରିଛନ୍ତି। ମହମ୍ମଦ ଦେଶରେ ହିନ୍ଦୁଙ୍କ ଉପରେ ଆକ୍ରମଣକୁ ନିନ୍ଦା କରିବା ସହ କହିଛନ୍ତି ଯେ ସେମାନେ ଆମର ଭାଇ। ଆମେ ସଭିଏଁ ଗୋଟିଏ ଦେଶର ନାଗରିକ। ଏପରିସ୍ଥଳେ ଧର୍ମକୁ ନେଇ କୌଣସି ଭେଦଭାବକୁ ସହ୍ୟ କରାଯିବ ନାହିଁ।

ଧାର୍ମିକ ବ୍ୟାପାର ପାଇଁ ମଧ୍ୟବର୍ତ୍ତୀକାଳୀନ ସରକାରଙ୍କ ପରାମର୍ଶଦାତା ଅବୁଲ ଫାଏଜ ମହମ୍ମଦ ଖାଲିଦ ହୋସେନ ପ୍ରଶାସନର ସାମ୍ପ୍ରଦାୟିକ ସୌହାର୍ଦ୍ଦ୍ୟ ପ୍ରତିଥିବା ପ୍ରତିବଦ୍ଧତା ଉପରେ ଗୁରୁତ୍ୱାରୋପ କରିବା ସହ ହିନ୍ଦୁ ତଥା ଅନ୍ୟାନ୍ୟ ସଂଖ୍ୟାଲଘୁଙ୍କ ଉପରେ ହୋଇଥିବା ଆକ୍ରମଣକୁ ନିନ୍ଦା କରିଛନ୍ତି।

ଏଭଳି କାଣ୍ଡ ଭିଆଇଥିବା ଲୋକଙ୍କୁ ସ‌େ ଅପରାଧୀ ବୋଲି ବର୍ଣ୍ଣନା କରିଛନ୍ତି। ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁସାରେ ମଧ୍ୟବର୍ତ୍ତୀକାଳୀନ ସରକାର ହିନ୍ଦୁମାନଙ୍କ ଉପରେ ଆକ୍ରମଣ କରୁଥିବା ଲୋକମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଯୋଜନା କରିଛନ୍ତି।