ତେଲ ଦର ଏବଂ ଟଙ୍କାର ମୂଲ୍ୟ ହ୍ରାସରେ ପ୍ରଭାବିତ ହୋଇ ତୈଳ ଫାର୍ମ ଏବଂ ଏୟାର୍‌ପୋର୍ଟରୁ ଜରୁରୀ ଋଣ ଚାହୁଁଛି ଇଣ୍ଡିଆନ୍‌ ଏୟାର୍‌ଲାଇନ୍ସ

ନୂଆଦିଲ୍ଲୀ: ତେଲ ଦର ବୃଦ୍ଧି ଯୋଗୁଁ କ୍ଷତି ହେଉଥିବାରୁ ବ୍ୟବସାୟ ବଜାୟ ରଖିବାକୁ ଭାରତୀୟ ଏୟାର୍‌ଲାଇନ୍‌ ସମୂହ ତୈଳ କମ୍ପାନି ଏବଂ ବିମାନ ବନ୍ଦର ସବୁରୁ ‘ଅନ୍‌ସିକିଓର୍ଡ କ୍ରେଡିଟ୍‌’ ପାଇବାରେ ସହାୟତା କରିବାକୁ ସରକାରଙ୍କୁ କହିଛନ୍ତି।

ପ୍ରତିଦ୍ୱନ୍ଦ୍ୱିତା ଏବଂ ଆକ୍ରମଣାତ୍ମକ ମୂଲ୍ୟ ଯୋଗୁଁ ସେମାନେ ଯାତ୍ରୀ ଭଡ଼ା ବୃଦ୍ଧି କରି ପାରୁ ନାହାନ୍ତି ବୋଲି ଫେଡେରେସନ୍‌ ଅଫ୍‌ ଇଣ୍ଡିଆନ୍‌ ଏୟାର୍‌ଲାଇନ୍‌ସ୍‌ ବିମାନ ଚଳାଚଳ ମନ୍ତ୍ରାଳୟର ଶୀର୍ଷସ୍ତରୀୟ ଅମଲାଙ୍କୁ ଗତ ସପ୍ତାହରେ ଚିଠି ପଠାଇଛି ବୋଲି ମୁଖପାତ୍ର ଉଜ୍ଜ୍ୱଳ ଦେ କହିଛନ୍ତି। କିନ୍ତୁ, ଏ ସଂକ୍ରାନ୍ତରେ ସେ ଆଉ ଅଧିକ କିଛି କହି ନାହାନ୍ତି।

ବିମାନ ଚଳାଚଳ ସଚିବ ରାଜୀବ ନୟନ ଚୌବେଙ୍କୁ ଲିଖିତ ଏହି ପତ୍ରରେ ଉଲ୍ଲେଖ ଅଛି ଯେ ଏୟାର୍‌ଲାଇନ୍‌ ସବୁ ଘରୋଇ ପରିବେଶରେ କଷ୍ଟକର ସମୟ ମୁକାବିଲା କରିବା ସହ ପ୍ରଭୁତ୍ୱ କ୍ଷତିର ସମ୍ମୁଖୀନ ହେଉଛନ୍ତି।

ତୈଳ ଦର ବୃଦ୍ଧି ଏବଂ ଟଙ୍କା ଦୁର୍ବଳ ହୋଇ ଚାଲିଥିବାରୁ ଭାରତୀୟ ଏୟାର୍‌ଲାଇନ୍‌ ସବୁ ସମ୍ମୁଖୀନ ହେଉଥିବା ସଙ୍କଟର ଏହା ହେଉଛି ସଦ୍ୟତମ ଆବେଦନ।

ମାର୍ଚ ୨୦୧୯ ଆର୍ଥିକ ବର୍ଷ ଶେଷ ସୁଦ୍ଧା ଭାରତୀୟ ଏୟାର୍‌ଲାଇନ୍‌ଗୁଡ଼ିକର କ୍ଷତି ପ୍ରାୟ ୧. ୯ ବିଲିୟନ୍‌ ଡଲାର୍‌ ହେବ ବୋଲି ଆଶଙ୍କା କରାଯାଉଛି। ଏହି ଆର୍ଥିକ ବର୍ଷ ଯାଏଁ ସେମାନେ ନିଜ ନିଜର ଓ୍ଵାର୍କିଙ୍ଗ୍‌ କ୍ୟାପିଟାଲ୍‌କୁ ୩ ବିଲିୟନ୍‌ ଡଲାର୍‌ ବୃଦ୍ଧି କରିବା ଆବଶ୍ୟକ ବୋଲି ସିଡ୍‌ନିର ଏକ କନ୍‌ସଲ୍‌ଟାନ୍‌ସି କହିଛି। ସମ୍ପ୍ରତି ଏୟାର୍‌ଲାଇନ୍‌ସ୍‌ ପାଖରେ ଦୁଇ ତିନି ସପ୍ତାହର ଖର୍ଚ୍ଚ ଭରଣା ପାଇଁ ନଗଦ ଅର୍ଥ ରହିଛି।