ଜମ୍ମୁ-କଶ୍ମୀର: ହିଜବୁଲ ମୁଜାହିଦ୍ଦିନ ଆତଙ୍କବାଦୀ ସହ ୪ ସହଯୋଗୀ ଗିରଫ, ବହୁ ପରିମାଣର ଅସ୍ତ୍ରଶସ୍ତ୍ର ଜବତ
କୁପୱାରା: ଜମ୍ମୁ-କଶ୍ମୀରର କୁପୱାରା ଜିଲ୍ଳା ଅନ୍ତର୍ଗତ ନିୟନ୍ତ୍ରଣ ରେଖା(ଏଲ୍ଓସି)ରେ ଜଣେ ହିଜବୁଲ ମୁଜାହିଦ୍ଦିନ ଆତଙ୍କବାଦୀ ସହ ତା’ର ୪ ଜଣ ସହଯୋଗୀଙ୍କୁ ଗିରଫ କରାଯାଇଛି। ଏଥିସହିତ ବହୁ ପରିମାଣର ଅସ୍ତ୍ରଶସ୍ତ୍ର ମଧ୍ୟ ଜବତ କରାଯାଇଛି।
ଆପଣଙ୍କ ସୂଚନା ସକାଶେ ଜଣାଇ ଦେଉଛୁ ଯେ ଗତକାଲି ବିଳମ୍ବିତ ରାତିରେ କୁପୱାରା ପୋଲିସ, ଭାରତୀୟ ସେନାର ୨୮ ରାଷ୍ଟ୍ରୀୟ ରାଇଫଲ ଏବଂ ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ (ସିଆର୍ପିଏଫ୍)ର ୧୬୨ ବଟାଲିୟନ୍ ମିଳିତ ଭାବେ ଏକ ସର୍ଚ ଅପରେସନ୍ କରିଥିଲେ। ଏଲ୍ଓସିରେ ଅସ୍ତ୍ରଶସ୍ତ୍ର ଚୋରା ଚାଲାଣ ହେବା ସହ ହିଜ୍ବୁଲ୍ ମୁଜାହିଦ୍ଦିନ ଆତଙ୍କବାଦୀ ସକ୍ରିୟ ଥିବା ସୂଚନା ମିଳିଥିଲା।
News Nation English
ହିଜ୍ବୁଲ୍ ମୁଜାହିଦ୍ଦିନ ଆତଙ୍କବାଦୀ ସଂଗଠନର ସ୍ଥାନୀୟ ଆତଙ୍କବାଦୀ ଜଣକ ଲାଲପୋରା ଲୋଲାବର ବାସିନ୍ଦା ଅବଦୁଲ୍ଲା ଭଟଙ୍କ ପୁଅ ପରଭେଜ୍ ଅହମ୍ମଦ ଭଟ (୨୨) ବୋଲି ଜଣାପଡ଼ିଛି। ସହଯୋଗୀମାନେ ହେଉଛନ୍ତି ହିଜିବଲ ନରିଜେବ କାଲରୋଚର ବାସିନ୍ଦା ଅବଦୁଲ୍ଲା ମିରଙ୍କ ପୁଅ ଅଲତାଫ ଅହମ୍ମଦ ମିର (୩୫), ୱାର୍ଣ୍ଣୋ ଲୋଲାବ ନିବାସୀ ଜିଏଚ୍ ହାସନ କୋହଲିଙ୍କ ପୁଅ ଜିଏଚ୍ ମହମ୍ମଦ କୋହଲି (୩୫), ଗୁଜରପତି ବାନ୍ଦିପୋରାର ବାସିନ୍ଦା ମହମ୍ମଦ ୟାକୁବଙ୍କ ପୁଅ ନିଜାମ ଦିନ୍ ଗୁଜାର (୪୪) ଏବଂ କେନୁରା ବାନ୍ଦିପୋରାର ବାସିନ୍ଦା ମିର୍ଜା ଗୁଜାରଙ୍କ ପୁତ୍ର ଅବ କାୟୁମ୍ ଗୁଜର (୨୯)।
ସର୍ଚ ଅପରେସନ୍ରେ ମାଗାଜିନ୍ ସହିତ ଏକେ-୪୭ ରାଇଫଲ୍, ୯ ଏମ୍ଏମ୍ ଚାଇନିଜ ପିସ୍ତଲ, ୬୦ ଏକେ ରାଉଣ୍ଡ ୭.୬୨ ଏମ୍ଏମ୍ ପିସ୍ତଲ, ଦୁଇଟି ପିସ୍ତଲ ମାଗାଜିନ୍, ୧୨ ପିସ୍ତଲ ରାଉଣ୍ଡ ୯ ଏମ୍ଏମ୍ ଉଦ୍ଧାର ହୋଇଛି।