ଭୁବନେଶ୍ୱର: ଗୁରୁବାର ହୋଲିକା ଦହନଠାରୁ ସମଗ୍ର ଦେଶରେ ରଂଗର ପର୍ବ ହୋଲି ଆରମ୍ଭ ହୋଇଯାଇଛି । ଲୋକମାନେ ରଙ୍ଗ ଖେଳି ବାଜା ବଜାଇ ଏହି ଉତ୍ସବକୁ ପାଳନ କରୁଛନ୍ତି । କିନ୍ତୁ ଏଥର ଭର୍ଚୁଆଲ ଦୂନିଆରେ ବି ହୋଲି ଖେଳ ଆରମ୍ଭ ହୋଇଯାଇଛି । ଟାଟା ଟି ପ୍ରିମିୟମ ପକ୍ଷରୁ ମେଟାଭର୍ସରେ ବିଶ୍ବର ପ୍ରଥମ ହୋଲି ଉତ୍ସବ ଆୟୋଜନ କରାଯାଇଛି । ଏପରି କରିବାରେ ଟାଟା ପ୍ରଥମ ସଂସ୍ଥାରେ ପରିଣତ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଏହି ପ୍ଲାଟଫର୍ମରେ ପ୍ରବେଶ କରିବା ପରେ ଗ୍ରାହକମାନେ ସେମାନଙ୍କ ପସନ୍ଦର ରୂପ ଧାରଣ କରିପାରିବେ ଏବଂ ବିଭିନ୍ନ ଲୋକପ୍ରିୟ ହୋଲି ଖେଳ ଗୁଡ଼ିକ ସହିତ ରଙ୍ଗର ଛାପକୁ ଉପଭୋଗ କରିପାରିବେ । ପାର୍ଟିରେ ରୋମାଂଚକୁ ବଢ଼ାଇବା ଲାଗି ସଙ୍ଗୀତ ଜଗତରେ ଚର୍ଚ୍ଚା ସୃଷ୍ଟି କରିଥିବା ସଙ୍ଗୀତକାର ଓ ଗୀତିକାର ଯୋଡ଼ି ସଚେତ୍-ପରମ୍ପରାଙ୍କ ଏକ ସ୍ୱତନ୍ତ୍ର ଉତ୍ସବ ପ୍ରଦର୍ଶନ ଦେଖିବାକୁ ମିଳିବ । ସଙ୍ଗୀତକାର-ଗୀତିକାର ଯୋଡ଼ି ଓ ବାସ୍ତବ ଜୀବନର ପତି ଓ ପତ୍ନୀ ଉତ୍ତରପ୍ରଦେଶର ସଚେତ୍ ଟଣ୍ଡନ୍ ଓ ଦିଲ୍ଲୀର ପରମ୍ପରା ଟଣ୍ଡନ୍ ମିଳିତ ଭାବେ ଉତ୍ତରପ୍ରଦେଶର ଲଠମାର୍ ହୋଲି ଓ ଦିଲ୍ଲୀର ରଙ୍ଗବାଲି ହୋଲିର ଯାଦୁକୁ ଜୀବନ୍ତ କରିବେ; ଯାହାର ଭାବକୁ ଟାଟା ଟି ପ୍ରିମିୟମର ସ୍ୱତନ୍ତ୍ର ଉତ୍ସବ ପ୍ୟାକ୍ ସଂସ୍କରଣରେ ରଖାଯାଇଛି । ଟାଟା ଟି ପ୍ରିମିୟମ୍, ଦେଶ୍ କି ଚାଏର ମେଟାଭର୍ସରେ ପ୍ରଥମ ଧରଣର ହୋଲି ପାର୍ଟିରେ ଏହି ଯୋଡ଼ି ଯୋଗ ଦେବା ପରେ ରୋମାଂଚ ଆହୁରି ବଢ଼ିଯିବ ।