ନୂଆଦିଲ୍ଲୀ: ହଂକଂରେ ଭୟଙ୍କର ଅଗ୍ନିକାଣ୍ଡରେ ମୃତ୍ୟୁସଂଖ୍ୟା ୧୨୮କୁ ବୃଦ୍ଧି ପାଇଛି ଆଉ ଘଟଣାରେ ଦେଖାଦେଇଛି ନୂଆ ମୋଡ଼ । ଆପାର୍ଟମେଣ୍ଟ ଲୋକଙ୍କ ଅନୁଯାୟୀ, ବର୍ଷେ ତଳୁ ସେମାନେ ପ୍ରଶାସନକୁ ଆପାର୍ଟମେଣ୍ଟର ନବୀକରଣ ସହ ଅଗ୍ନି ନିରାପତ୍ତା ବ୍ୟବସ୍ଥା  ସର୍ମ୍ପକରେ ଜଣାଇଥିଲେ । ହେଲେ ପ୍ରଶାସନ କିଛି ଶୁଣିନଥିଲା । ବର୍ତ୍ତମାନ ପ୍ରତି ଆପାର୍ଟମେଣ୍ଟରେ ଅଗ୍ନିଶମ କର୍ମଚାରୀ ପହଞ୍ଚିଛନ୍ତି । ହଂକଂ ଇତିହାସରେ ସବୁଠାରୁ ଭୟଙ୍କର ଅଗ୍ନିକାଣ୍ଡ ଭାବରେ ପରିଗଣିତ ହୋଇଥିବା ଏହି ଘଟଣାରେ ମୃତ୍ୟୁସଂଖ୍ୟା ବଢ଼ି ୧୨୮ରେ ପହଞ୍ଚିଛି ।

Advertisment

ଆହୁରି ପଢନ୍ତୁ- Karnataka Congress Crisis: କର୍ଣ୍ଣାଟକ 'ନାଟକ'ରେ ଜଳଖିଆ ପକାଇଲା ଯବନିକା ! ଅଢ଼େଇ ବର୍ଷିଆ କ୍ଷମତା କଳିରେ ପଡ଼ିଲା କି ପୂର୍ଣ୍ଣଚ୍ଛେଦ ?

ଆହୁରି ପଢନ୍ତୁ- Winter Session of Parliament: ସୋମବାର ଠାରୁ ସଂସଦର ଶୀତ ଅଧିବେଶନ: ରବିବାର ବସିବ ସର୍ବଦଳୀୟ ବୈଠକ

ଆପାର୍ଟମେଣ୍ଟ କମ୍ପ୍ଲେକ୍ସର ୭ଟି ବ୍ଲକକୁ ନିଆଁ ବ୍ୟାପିଯିବାରୁ ମର୍ମନ୍ତୁଦ ଦୁର୍ଘଟଣା ଘଟିଛି । ଦୁଇଦିନ ପରେ ମଧ୍ୟ ଅଗ୍ନିଶମ କର୍ମଚାରୀମାନେ ଜୀବିତ ଥିବା କୌଣସି ବ୍ୟକ୍ତିଙ୍କୁ ଉଦ୍ଧାର ଓ ମୃତଦେହ ଠାବ କରିବା ପାଇଁ ଖୋଜାଖୋଜିକୁ ଜୋରଦାର କରିଛନ୍ତି । ସୂଚନା ଅନୁଯାୟୀ, ଅଗ୍ନିକାଣ୍ଡ ସମୟରେ ବିଲ୍ଡିଂଗୁଡ଼ିକର ବାହାରେ ମରାମତି ଚାଲିଥିଲା । ବାଉଁଶ ମଞ୍ଚା ଏବଂ ଅତ୍ୟଧିକ ଫୋମ୍ ପ୍ୟାନେଲ ଲାଗିଥିବାରୁ ନିଆଁ ଅତି ଶୀଘ୍ର ଗୋଟିଏ ଟାୱାରରୁ ଅନ୍ୟ ଟାୱାରକୁ ବ୍ୟାପିଥିଲା । ୨୦୦ରୁ ଅଧିକ ଲୋକ ଏବେ ବି ନିଖୋଜ ଥିବା କୁହାଯାଉଛି । ଏହି ଘଟଣାରେ ପୁଲିସ୍ ୧୧ ଜଣଙ୍କୁ ଗିରଫ କରିଛି ।