ଇସ୍ରାଏଲ ଉପରେ ହୁତି ବିଦ୍ରୋହୀଙ୍କ କ୍ଷେପଣାସ୍ତ୍ର ଆକ୍ରମଣ

ନୂଆଦିଲ୍ଲୀ: ଇସ୍ରାଏଲର ରାଜଧାନୀ ତେଲ୍ ଅଭିବ୍ରେ ଏକ ବଡ଼ଧରଣର କ୍ଷେପଣାସ୍ତ୍ର ଆକ୍ରମଣ କରାଯାଇଥିବା ହୁଥି ବିଦ୍ରୋହୀମାନେ ଦାବି କରିଛନ୍ତି। ହୁଥି ସେନାର ମୁଖପାତ୍ର ବ୍ରିଗେଡିୟର ଜେନେରାଲ ୟାହ୍ୟା ସାରି ତେଲ ଅଭିବର ବେନ୍ ଗୁରିଅନ୍ ବିମାନବନ୍ଦର ଉପରେ ଏକ ହାଇପରସୋନିକ୍ କ୍ଷେପଣାସ୍ତ୍ର ଆକ୍ରମଣ କରିଥିବା ଦାବି କରିଛନ୍ତି। ଏହା ସହିତ, ଔପଚାରିକ ବିବୃତ୍ତିରେ ଇସ୍ରାଏଲର ଅନେକ ସହରରେ ଅନେକ ଗୁରୁତ୍ୱପୂର୍ଣ୍ଣ ଲକ୍ଷ୍ୟସ୍ଥଳ ଉପରେ ହାଇପରସୋନିକ୍ କ୍ଷେପଣାସ୍ତ୍ର ଦ୍ୱାରା ଆକ୍ରମଣ ବିଷୟରେ ଉଲ୍ଲେଖ କରାଯାଇଛି। ଅନ୍ୟପକ୍ଷରେ, ଇସ୍ରାଏଲ କହିଛି ଯେ କ୍ଷେପଣାସ୍ତ୍ରଗୁଡ଼ିକୁ ଆକାଶରେ ହିଁ ନଷ୍ଟ କରାଯାଇଥିଲା। ଏହା ଯୋଗୁଁ କୌଣସି କ୍ଷତି ହୋଇନାହିଁ।

ଇରାନର ସରକାରୀ ଖବର ଏଜେନ୍ସି ପ୍ରେସ୍ ଟିଭି ରିପୋର୍ଟ କରିଛି ଯେ ପ୍ରଥମ ଆକ୍ରମଣ ତେଲ ଅଭିବର ବେନ୍ ଗୁରିଅନ୍ ଅନ୍ତର୍ଜାତୀୟ ବିମାନବନ୍ଦରରେ କରାଯାଇଥିଲା, ଯେଉଁଥିରେ  ପାଲେଷ୍ଟାଇନ୍-୨ ହାଇପରସୋନିକ୍ କ୍ଷେପଣାସ୍ତ୍ରର ବ୍ୟବହାର କରାଯାଇଥିଲା।

ଇରାନର ସରକାରୀ ଖବର ଏଜେନ୍ସି ପ୍ରେସ୍ ଟିଭି ରିପୋର୍ଟ କରିଛି ଯେ ପ୍ରଥମ ଆକ୍ରମଣ ତେଲ ଅଭିବର ବେନ୍ ଗୁରିଅନ୍ ଅନ୍ତର୍ଜାତୀୟ ବିମାନବନ୍ଦରରେ କରାଯାଇଥିଲା, ଯେଉଁଥିରେ  ପାଲେଷ୍ଟାଇନ୍-୨ ହାଇପରସୋନିକ୍ କ୍ଷେପଣାସ୍ତ୍ରର ବ୍ୟବହାର କରାଯାଇଥିଲା। ଏହି କ୍ଷେପଣାସ୍ତ୍ର ଅତ୍ୟନ୍ତ ଦ୍ରୁତ ଗତିରେ ଲକ୍ଷ୍ୟସ୍ଥଳ ଉପରେ ଆକ୍ରମଣ କରେ, ଯାହାକୁ ରୋକିବା କଷ୍ଟକର। ଦ୍ୱିତୀୟ ଆକ୍ରମଣଟି ତେଲ ଅଭିବର ପୂର୍ବରେ ଏକ ସାମରିକ ସ୍ଥାନରେ ଜୁଲଫିକର ବାଲିଷ୍ଟିକ୍ କ୍ଷେପଣାସ୍ତ୍ର ସହିତ କରାଯାଇଥିଲା, ଯାହାର ରେଞ୍ଜ ୨୦୦୦ କିଲୋମିଟରରୁ ଅଧିକ ବୋଲି କୁହାଯାଉଛି । ଏହି ଆକ୍ରମଣ ଇସ୍ରାଏଲରେ ଆତଙ୍କ ସୃଷ୍ଟି କରିଥିଲା। କ୍ଷେପଣାସ୍ତ୍ର ଆକ୍ରମଣର ସାଇରନ୍ ବାଜିଥିଲା ଓ ଲୋକମାନେ ଯାଇ ବଙ୍କରରେ ଆଶ୍ରୟ ନେଇଥିଲେ ।