ଆମେରିକାରେ କେତୋଟି ରାଜନୈତିକ ଦଳ ?

ନ୍ୟୁୟର୍କ : ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ବିବାଦ ପରେ ବିଶ୍ବର ସବୁଠାରୁ ଧନୀବ୍ୟକ୍ତି ଏଲନ ମସ୍କ ଆମେରିକାରେ ଏକ ନୂଆ ରାଜନୈତିକ ଦଳ ଗଠନ କରିଛନ୍ତି । ତାହାର ନାଁ ଦେଇଛନ୍ତି ଆମେରିକା ପାର୍ଟି । ଏହି ଦଳ ଆମେରିକାରେ ସଂସ୍କାର ଆଣିବା ସହ ବିକାଶ କରିବ ବୋଲି ମସ୍କ ଦାବି କରିଛନ୍ତି ।

ତେବେ ଆସନ୍ତୁ ଜାଣିବା ଆମେରିକାର ରାଜନୈତିକ ବ୍ୟବସ୍ଥା କିପରି ? ସାଧାରଣ ଧାରଣା ହେଉଛି ଯେ ଆମେରିକାରେ ଦ୍ବିଦଳୀୟ ବ୍ୟବସ୍ଥା ରହିଛି । କିନ୍ତୁ ଏହା ସତ ନୁହେଁ । ଭାରତ ପରି, ଆମେରିକାରେ ମଧ୍ୟ ଅନେକ ରାଜନୈତିକ ଦଳ ଅଛନ୍ତି। ସେମାନଙ୍କ ମଧ୍ୟରୁ ଅଧିକାଂଶ ରାଷ୍ଟ୍ରପତି ନିର୍ବାଚନରେ ଅଂଶଗ୍ରହଣ କରିଆସୁଛନ୍ତି। 

ବର୍ତ୍ତମାନ, ଆମେରିକାରେ ଏକ ବହୁ-ଦଳୀୟ ବ୍ୟବସ୍ଥା ଅଛି। ଏଗୁଡ଼ିକ ମଧ୍ୟରୁ ଡେମୋକ୍ରାଟିକ୍ ଏବଂ ରିପବ୍ଲିକାନ୍ ଦଳ ସବୁଠାରୁ ପ୍ରଭାବଶାଳୀ। ଏଗୁଡ଼ିକ ବ୍ୟତୀତ ରିଫର୍ମ, ଲିବର୍ଟାରିଆନ୍, ଫରଓ୍ବାର୍ଡ ପାର୍ଟି, ସୋସିଆଲିଷ୍ଟ, ନେଚୁରାଲ ଲ’, କନଷ୍ଟିଚ୍ୟୁସନ ଏବଂ ଗ୍ରୀନ ପାର୍ଟି ମଧ୍ୟ ଅଛନ୍ତି।

ଏହି ଦଳଗୁଡ଼ିକର ଇତିହାସ ବହୁତ ପୁରୁଣା। ସମୟ ସହିତ, ନୂତନ ଦଳଗୁଡ଼ିକ ନୂତନ ଚ୍ୟାଲେଞ୍ଜ ଏବଂ ଭିନ୍ନ ଚିନ୍ତାଧାରା ସହିତ ଉଭା ହେଉଛନ୍ତି। ବର୍ତ୍ତମାନ, ଆମେରିକାରେ ଏକ ବହୁ-ଦଳୀୟ ବ୍ୟବସ୍ଥା ଅଛି। ଏଗୁଡ଼ିକ ମଧ୍ୟରୁ ଡେମୋକ୍ରାଟିକ୍ ଏବଂ ରିପବ୍ଲିକାନ୍ ଦଳ ସବୁଠାରୁ ପ୍ରଭାବଶାଳୀ। ଏଗୁଡ଼ିକ ବ୍ୟତୀତ ରିଫର୍ମ, ଲିବର୍ଟାରିଆନ୍, ଫରଓ୍ବାର୍ଡ ପାର୍ଟି, ସୋସିଆଲିଷ୍ଟ, ନେଚୁରାଲ ଲ’, କନଷ୍ଟିଚ୍ୟୁସନ ଏବଂ ଗ୍ରୀନ ପାର୍ଟି ମଧ୍ୟ ଅଛନ୍ତି। ଏମାନେ ରାଷ୍ଟ୍ରପତି ନିର୍ବାଚନରେ ମଧ୍ୟ ଅଂଶଗ୍ରହଣ କରିଆସୁଛନ୍ତି। ଭାରତର ପରି ଆମେରିକାରେ ବି ଏକ ନିର୍ବାଚନ କମିସନ ଅଛନ୍ତି । ତାହାକୁ ଫେଡେରାଲ ଇଲେକ୍ସନ କମିସନ ବୋଲି କୁହାଯାଏ । ଏହି କମିସନରେ ଛୋଟ ବଡ଼ ମିଶାଇ ପ୍ରାୟ ୨୦୦ଟି ରାଜନୈତିକ ଦଳ ପଂଜୀକରଣ ହୋଇଛନ୍ତି ।