କେମିତି ପ୍ରସ୍ତୁତ କରାଯାଏ ଇସ୍ପାତ, ଷ୍ଟିଲ ପ୍ଲାଣ୍ଟ ବୁଲି ଭିଡିଓ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ବୋକାରୋ: କେମିତି ପ୍ରସ୍ତୁତ ହୁଏ ଇସ୍ପାତ, ଲୁହାପଥରରୁ କିଭଳି ଷ୍ଟିଲ ପ୍ରସ୍ତୁତ ହୁଏ ତାହା ଆଜି ଦେଖିଛନ୍ତି କେନ୍ଦ୍ର ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ | ଝାଡ଼ଖଣ୍ଡ ବୋକାରୋରେ ଥିବା ଇସ୍ପାତ କାରଖାନାକୁ ଯାଇ ଆଜି ଏହାକୁ ନିରୀକ୍ଷଣ କରିଛନ୍ତି ଧର୍ମେନ୍ଦ୍ର | ବ୍ଲାଷ୍ଟ ଫର୍ଣ୍ଣେସରୁ କିଭଳି ଲୁହା ଖଣ୍ଡ ବାହାରିଥାଏ ଦେଖିବା ସହ ନିଜେ ଏହାର ଭିଡିଓ ମଧ୍ୟ ଉଠାଇଥିଲେ |

Watching the steel making process live was informative as well as awe inspiring.

Kudos to our colleagues who work hard to ensure production of quality steel which goes into building infra and economy.

Couldn’t control making a video myself! pic.twitter.com/mzu3iLYwPK

— Dharmendra Pradhan (@dpradhanbjp) August 11, 2019

ସେହିପରି ଏଠାକାର କର୍ମଚାରୀଙ୍କୁ ଭେଟିବା ସହ ସେମାନଙ୍କ ନିଷ୍ଠାପର ପରିଶ୍ରମକୁ ପ୍ରଶଂସା କରିଥିଲେ | ଆଜି ଝାଡ଼ଖଣ୍ଡ ଯାଇ ସେଠାରେ ଦୁଇଟି ପ୍ରକଳ୍ପର ଶୁଭାରମ୍ଭ କରିଥିଲେ କେନ୍ଦ୍ରମନ୍ତ୍ରୀ | ଏଥିପାଇଁ ଆୟୋଜିତ କାର୍ଯ୍ୟକ୍ରମରେ ଝାଡ଼ଖଣ୍ଡ ମୁଖ୍ୟମନ୍ତ୍ରୀ ରଘୁବର ଦାସ ମଧ୍ୟ ଯୋଗ ଦେଇଥିଲେ | ଏହି ଅଵସରରେ ଧର୍ମେନ୍ଦ୍ର କହିଥିଲେ ଯେ ଝାଡ଼ଖଣ୍ଡର ବିକାଶରେ ପେଟ୍ରୋଲିୟମ ଓ ଷ୍ଟିଲ ମନ୍ତ୍ରାଳୟ ସମର୍ପିତ ଅଛନ୍ତି |

ବୋକାରୋ ଷ୍ଟିଲ ପ୍ଲାଣ୍ଟ ଓ ସ୍ଥାନୀୟ ଉଦ୍ୟୋଗ ମଧ୍ୟରେ କିଭଳି ଦୂରତାକୁ କମାଇହେବ ସେଥିପାଇଁ ପ୍ରୟାସ କରାଯାଉଛି | ଏହାଦ୍ୱାରା ଝାଡ଼ଖଣ୍ଡକୁ ଶିଳ୍ପ ଓ ଉତ୍ପାଦନର କେନ୍ଦ୍ର ରୂପେ ବିକଶିତ କରାଯାଇପାରିବ ବୋଲି ଧର୍ମେନ୍ଦ୍ର କହିଥିଲେ |