ଆମ ପାଖେ ଟଙ୍କା ନାହିଁ, ବିଜେପିକୁ କେମିତି ମୁକାବିଲା କରିବୁ?
ନୂଆଦିଲ୍ଲୀ: ଆଜି ନିର୍ବାଚନ ଆୟୋଗ ଆସନ୍ତା ଉତ୍ତରପ୍ରଦେଶ ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା କରିଛନ୍ତି। ଏହି ଅନୁଯାୟୀ, ମୋଟ ୭ଟି ପର୍ଯ୍ୟାୟରେ ଉତ୍ତରପ୍ରଦେଶରେ ନିର୍ବାଚନ ହେବ । ପ୍ରଥମ ପର୍ଯ୍ୟାୟ ନିର୍ବାଚନ ଉତ୍ତରପ୍ରଦେଶରେ ଫେବ୍ରୁଆରି ୧୦ରେ ଭୋଟ ଗ୍ରହଣ ହେବ । ୨ୟ ପର୍ଯ୍ୟାୟ ନିର୍ବାଚନ ଫେବ୍ରୁଆରି ୧୪, ୩ୟ ପର୍ଯ୍ୟାୟ ମତଦାନ ଫେବ୍ରୁଆରି ୨୦ , ୪ର୍ଥ ପର୍ଯ୍ୟାୟ ମତଦାନ ୨୩ ଫେବ୍ରୁଆରି, ୫ମ ପର୍ଯ୍ୟାୟ ମତଦାନ ୨୭ ଫେବ୍ରୁଆରି, ୬ଷ୍ଠ ଓ ୭ମ ପର୍ଯ୍ୟାୟ ମତଦାନ ଯଥାକ୍ରମେ ମାର୍ଚ୍ଚ ୩ ଓ ମାର୍ଚ୍ଚ ୭ରେ ହେବ । ମାର୍ଚ୍ଚ ୧୦ରେ ଭୋଟ ଗଣତି ହେବ । ଆସନ୍ତା ୧୫ ତାରିଖ ପର୍ଯ୍ୟନ୍ତ କୌଣସି ରାଜନୈତିକ ଦଳ ନିର୍ବାଚନୀ ସଭା, ରାଲି, ରୋଡ ସୋ, ପଦଯାତ୍ରା, ସାଇକେଲ ବା ବାଇକ ଆଦି କରିପାରିବେ ନାହିଁ ବୋଲି ଆୟୋଗ କଟକଣା ଜାରି କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ଚଳିତ ଥର ପାରମ୍ପରିକ ଜନସଭା ଅପେକ୍ଷା ଭର୍ଚୁଆଲ ଜନସଭା, ଜିଜିଟାଲ ପ୍ରଚାର ଉପରେ ଗୁରୁତ୍ବ ଦେବାକୁ ଆୟୋଗ ରାଜନୈତିକ ଦଳମାନଙ୍କୁ ନିବେଦନ କରିଛନ୍ତି । ତେବେ ଏହାକୁ ନେଇ ଖପ୍ପା ହୋଇଛନ୍ତି ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ | ଅଖିଳେଶ କହିଛନ୍ତି ଯେ ଯଦି ଆମେ ଭର୍ଚୁଆଲ ରାଲି ବିଷୟରେ ଆଲୋଚନା କରୁ, ତେବେ ଦଳଗୁଡିକ ବିଷୟରେ ଆୟୋଗ ମଧ୍ୟ ଚିନ୍ତା କରିବା ଉଚିତ। ଭର୍ଚୁଆଲ୍ ରାଲି ପାଇଁ ପର୍ଯ୍ୟାପ୍ତ ଭିତ୍ତିଭୂମି ନାହିଁ । ଅଖିଳେଶ ଯାଦବ କହିଛନ୍ତି, “ନିର୍ବାଚନ ଆୟୋଗ ଟିଭିରେ ବିରୋଧୀ ଦଳକୁ ଅଧିକ ସମୟ ଦେବା ଉଚିତ ଏବଂ ଏହାକୁ ମାଗଣାରେ ଦିଆଯିବା ଉଚିତ।
ବିଜେପି ପାଖରେ ଖୁବ ଉନ୍ନତ ଭିତ୍ତିଭୂମି ରହିଛି’। ଅଖିଳେଶ ଯାଦବ କହିଛନ୍ତି ” ନିର୍ବାଚନ ଆୟୋଗ ରାଜନୈତିକ ଦଳଗୁଡିକୁ କିଛି ପାଣ୍ଠି ଦିଅନ୍ତୁ, ଯାହା ଦ୍ୱାରା ସେମାନେ ପାଦେ ଆଗକୁ ଯାଆନ୍ତୁ, ଭିତ୍ତିଭୂମି ସୃଷ୍ଟି କରନ୍ତୁ କାରଣ ଆମେ ବିଜେପି ଭିତ୍ତିଭୂମି ସହିତ ପ୍ରତିଦ୍ୱନ୍ଦ୍ୱିତା କରିପାରିବୁ ନାହିଁ | ସେଥିପାଇଁ ଆମେ ନିବେଦନ କରୁଛୁ ଯେ ନିର୍ବାଚନ ଆୟୋଗ ରାଜନୈତିକ ଦଳଙ୍କୁ କିଛି ପାଣ୍ଠି ଦେବା ଉଚିତ, ଯାହା ଦ୍ୱାରା ଗଣତାନ୍ତ୍ରିକ ବ୍ୟବସ୍ଥାରେ ବିଜେପି ଭଳି ଦୃଢ ନଥିବା ସମସ୍ତ ରାଜନୈତିକ ଦଳ ପ୍ରତିଦ୍ୱନ୍ଦ୍ୱିତା କରିପାରିବେ। “