ଦେଖନ୍ତୁ କିଭଳି ଘର ଭିତରେ ଥିବା ଟେବୁଲ ତଳେ ଲୁଚି ରହିଥିଲା ବିଶାଳ ଅହିରାଜ ସାପ
ଲକ୍ଷ୍ମୌ: ଉତ୍ତରପ୍ରଦେଶରେ ଜଣଙ୍କ ଘରୁ ଏକ ବିରାଟ ଅହିରାଜ ସାପ ଉଦ୍ଧାର ହୋଇଛି। ଯାହାର ଏକ ଭିଡିଓ ଓ ଫଟୋ ସାମ୍ନାକୁ ଆସିଛି। ଏହି ଭିଡିଓରେ ଜଙ୍ଗଲ ବିଭାଗର ରାପିଡ୍ ରେସପନ୍ସ ଟିମ୍ ଦ୍ୱାରା ନୈନିତାଲରେ ଜଣଙ୍କ ଘରୁ ଏହି ବିଷାକ୍ତ ଅହିରାଜ ସାପକୁ ଉଦ୍ଧାର କରାଯାଇଥିବା ଦେଖିବାକୁ ମିଳୁଛି।
Sambad is now on WhatsApp
Join and get latest news updates delivered to you via WhatsApp
ଉକ୍ତ ଭିଡିଓ କ୍ଲିପ୍କୁ ଟୁଇଟରରେ ଭାରତୀୟ ବନ ସେବା ଅଧିକାରୀ ଆକାଶ କୁମାର ବର୍ମା ସେୟାର କରି ନୈନିତାଲର ଡିଏଫ୍ଓଙ୍କୁ ଶ୍ରେୟ ଦେଇଛନ୍ତି। ଖବର ପାଇ ଜଙ୍ଗଲ ବିଭାଗର ରାପିଡ୍ ରେସପନ୍ସ ଟିମ୍ ଘଟଣାସ୍ଥଳରେ ପହଞ୍ଚି ଘର ଭିତର ଟେବୁଲ ତଳେ ଲୁଚି ରହିଥିବା ସାପକୁ କାବୁ କରିବାକୁ ଚେଷ୍ଟା କରିଥିଲେ। ଅନେକ ଚେଷ୍ଟାପରେ ଟିମ୍ ସାପକୁ କାବୁ କରି ନେଇଥିଲେ। ଏହାପରେ ଉକ୍ତ ବିଶାଳ ଅହିରାଜ ସାପକୁ ଧରି ଜଙ୍ଗଲ ବିଭାଗର ରାପିଡ୍ ରେସପନ୍ସ ଟିମ୍ର ଜଣେ ସଦସ୍ୟ ଛାତ ଉପରକୁ ଯାଇ ଏକ ବସ୍ତାରେ ତାକୁ ପୁରାଇ ବାନ୍ଧି ଦେଇଥିଲେ।
A #King Cobra rescued by Forest Department’s Rapid Response Team from a house at Nainital! 🎥DFO Nainital. @moefcc @ndtv @CentralIfs @AnimalsWorId @Uttkhand_Forest @nature @Discovery @MadrasCrocBank @REPTILESMag @mygovindia @MygovU @uttarakhandpost @ndtvindia @ZeeNews @dodo @IUCN pic.twitter.com/kXWameDNzf
— Akash Kumar Verma, IFS. (@verma_akash) August 11, 2020
ତେବେ ଭିଡିଓରେ ସାପ ଧରାଳୀ ଯେତେବେଳେ ସାପକୁ ଅଖା ଭିତରେ ପୁରାଉଥିଲେ ସେତେବେଳେ ଅହିରାଜ ତାଙ୍କ ଗଳାରେ ଗୁଡ଼ାଇ ହୋଇଯାଇଥିଲା । ଯାହାକୁ ଦେଖି ଘଟଣାସ୍ଥଳରେ ସାପ ଦେଖିବା ପାଇଁ ଭିଡ ଜମାଇଥିବା ଲୋକଙ୍କ ମନରେ କୋକୁଆ ଭୟ ଖେଳି ଯାଇଥିଲା।
ଅହିରାଜ ସାପ ପୃଥିବୀର ଅନ୍ୟତମ ବିଷାକ୍ତ ସାପ। ଯାହା ଭାରତ ଏବଂ ଦକ୍ଷିଣ ପୂର୍ବ ଏସିଆର ଜଙ୍ଗଲରେ ଅଧିକମାତ୍ରାରେ ଦେଖା ଯାଇଥାଆନ୍ତି। ଗତ ବର୍ଷ ନଭେମ୍ବରରେ ଉତ୍ତରାଖଣ୍ଡର ଏକ ଟ୍ରେନରୁ ୧୦ ଫୁଟର ଅହିରାଜକୁ ଉଦ୍ଧାର କରାଯାଇଥିଲା।