ଖାଇବାକୁ ନ ମିଳିବାରୁ ଭୋକ ବିକଳରେ ଡ଼ାକ୍ତରଖାନା ପରିସରରୁ ନବଜାତକୁ ପାଟିରେ କାମୁଡ଼ି ନେଇଗଲା ଘୁଷୁରୀ
ପାଟନା : ଡ଼ାକ୍ତରଖାନା ଭିତରୁ ଏକ ଘୁଷୁରୀ ନବଜାତକୁ କାମୁଡ଼ି ନେଇଯିବା ଘଟଣା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । କିଛି ଦିନ ପୂର୍ବରୁ ବିହାରରେ ଥିବା ବକ୍ସାର ସଦର ହସ୍ପିଟାଲରୁ ଏକ କୁକୁର ରୋଗୀର କଟା ଗୋଡ଼କୁ ନେଇ ଯାଇଥିବା ଖବର ମିଳିଥିଲା । ଏବେ ପୁଣି ସହର୍ସାରେ ଥିବା ସଦର ହସ୍ପିଟାଲରୁ ନବଜାତ ଶିଶୁକୁ ଏକ ଘୁଷୁରୀ ଟେକି ନେଇଥିବା ଜଣାପଡ଼ିଛି । କିନ୍ତୁ ଘୁଷୁରୀଟି ନେଇ ଥିବା ନବଜାତଟି ପୂର୍ବରୁ ମୃତ ବୋଲି ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ହଠାତ୍ ଘୁଷୁରୀଟି ଡ଼ାକ୍ତରଖାନା ପରିସର ବାହାରେ ଥିବା ଏକ ଅଳିଗଦାରୁ ଶିଶୁଟିକୁ କାମୁଡ଼ି ହସ୍ପିଟାଲ ଭିତରେ ପଶିଥିଲା । ଏହା ଦେଖି ଲୋକମାନେ ଘୁଷୁୁରୀକୁ ରୋକିବା ପାଇଁ ଚେଷ୍ଟା କରିଥିବା ବେଳେ ଘୁଷୁରୀଟି ନବଜାତକୁ ନେଇ ଜଙ୍ଗଲ ଭିତରକୁ ଚାଲି ଯାଇଥିଲା । ଘୁଷୁରୀଟି ନେଇଥିବା ନବଜାତ ଦୁଇ ଦିନ ପୂର୍ବରୁ ଜନ୍ମ ହେବା ସମୟରେ ମରିଯିବାରୁ ତାକୁ ହସ୍ପିଟାଲ ବାହାରେ ଫିଙ୍ଗି ଦିଆଯାଇଥିଲା । ଯାହାକୁ ଘୁଷୁୁରୀଟି ନିଜ ଖାଦ୍ୟ ହିସାବରେ ବ୍ୟବହାର କରିଥିଲା ବୋଲି ହସ୍ପିଟାଲର ଉପ ଅଧ୍ୟୀକ୍ଷକ ଡ଼ାକ୍ତର ଅନୀଲ କୁମାର ଗୁରୁବାର ଫୋନ ଯୋଗେ ସାମ୍ବାଦିକମାନଙ୍କୁ ଜଣାଇଥିଲେ ।