ମୋସୁଲ : ଗତ ସପ୍ତାହରେ ଆମେରିକୀୟ ସୈନ୍ୟଙ୍କ ଆକ୍ରମଣ ବେଳେ ଆତ୍ମଘାତୀ ବିସ୍ଫୋରଣରେ ଇସଲାମିକ ଷ୍ଟେଟ୍ ବା ଆଇଏସର ମୁଖିଆ ଅବୁ ଇବ୍ରାହିମ ଅଲ ହାସିମ ଅଲ-କୁରାସି ମୃତ୍ୟୁବରଣ କରିବା ପରେ ତାହାର ଉତ୍ତରାଧିକାରୀ ଖୋଜା ଚାଲିଛି ।
Sambad is now on WhatsApp
Join and get latest news updates delivered to you via WhatsApp
କେତେକ ବିଶେଷଜ୍ଞଙ୍କ ମତରେ ଆଇଏସରେ ଥିବା ଇରାକୀ ଜିହାଦିଙ୍କ ମଧ୍ୟରୁ ଜଣକୁ ଏହି ଆତଙ୍କବାଦୀ ସଂଗଠନର ମୁଖ୍ୟ ନିଯୁକ୍ତ କରାଯାଇପାରେ । ଫାଦିଲ ଇବୁ ଗିଫ ନାମକ ଇରାକୀ ବିଶେଷଜ୍ଞଙ୍କ ମତରେ ଅଲ-କୁରାସିର ସମ୍ଭାବ୍ୟ ଉତ୍ତରାଧିକାରୀ ପାଇଁ ୪ ଜଣଙ୍କ ନାମ ଚୂଡ଼ାନ୍ତ କରାଯାଇଛି । ଏହି ୪ ଜଣଙ୍କ ମଧ୍ୟରେ ରହିଛି ଇରାକ ପାଇଁ ଆଇଏସର ନେତା ଅବୁ ଖଦିଜା, ଅନବର ରାଜ୍ୟ ପାଇଁ ଆଇଏସ କମାଣ୍ଡର ଅବୁ ମୁସଲିମ । ଆଉ ଜଣେ ଆତଙ୍କବାଦୀ ବି ଏହି ଦୌଡ଼ରେ ରହିଛି । ତା ନାଁ ହେଉଛି ଅବୁ ସାଲି । ସେ ଆଇଏସ ପ୍ରତିଷ୍ଠାତା ବାଗଦାଦି ଓ କୁରାସିର ଘନିଷ୍ଠ ଥିବା କୁହାଯାଉଛି ।
ଗତ ୨ ତାରିଖ ରାତିରେ ଉତ୍ତର-ପଶ୍ଚିମ ସିରିଆର ଇଡଲିଭ ରାଜ୍ୟରେ କରାଯାଇଥିବା ଏକ ଅପରେସନରେ ଇସଲାମିକ ଷ୍ଟେଟ ସର୍ବୋଚ୍ଚ ନେତା ଅବୁ ଇବ୍ରାହିମ ଅଲ ହାସିମ ଅଲ-କୁରାସି ନିହତ ହୋଇଥିବା ଆମେରିକୀୟ ରାଷ୍ଟ୍ରପତି ଜୋ ବାଇଡେନ ଘୋଷଣା କରିଥିଲେ । କିନ୍ତୁ ଅନ୍ତର୍ଜତୀୟ ଗଣମାଧ୍ୟମର ଏକ ରିପୋର୍ଟ ଅନୁସାରେ କୁରାସି ରହୁଥିବା ଘରେ ଆମେରିକୀୟ ସୈନ୍ୟ ପହଞ୍ଚିବା ପୂର୍ବରୁ ସେ ନିଜକୁ ବିସ୍ଫୋରଣ କରି ଉଡ଼ାଇଦେଇଥିଲା ।