ସ୍ତ୍ରୀଙ୍କ ପାଇଁ ସ୍ୱାମୀର ଉନ୍ମୁକ୍ତ କାଣ୍ଡ : ପଦୋନ୍ନତି ପାଇଁ ପାହାଡ଼ ଉପରକୁ ଚଢ଼ି ଦେଲେ ଆତ୍ମହତ୍ୟାର ଧମକ
ଲକ୍ଷ୍ନୌ : ଉତ୍ତରପ୍ରଦେଶର ମହୋବାରେ ଏକ ଅଜବ ଘଟଣା ଘଟିଛି । ଏଠାରେ ଥିବା ଏକ ସରକାରୀ ସ୍କୁଲରେ ପ୍ରିନ୍ସିପାଲ ପଦକୁ ନେଇ ଦୁଇ ମହିଳା ଶିକ୍ଷୟତ୍ରୀଙ୍କ ମଧ୍ୟରେ ବିବାଦ ଆରମ୍ଭ ହୋଇଥିଲା । ଦୁଇ ମହିଳାଙ୍କ ମଧ୍ୟରେ ବିବାଦ ହେଉଥିବା ଦେଖି ଜଣଙ୍କ ସ୍ୱାମୀ ନିଜ ସ୍ତ୍ରୀଙ୍କ ସପକ୍ଷରେ ବାହାରିଥିଲେ । ସ୍ତ୍ରୀକୁ ପ୍ରିନ୍ସିପାଲ କରିବା ପାଇଁ ସ୍ୱାମୀ ପାହାଡ଼ ଉପରକୁ ଚଢ଼ିଯିବା ସହ ସ୍ତ୍ରୀକୁ ପ୍ରିନ୍ସିପାଲ ପଦ ନ ମିଳିଲେ ଆତ୍ମହତ୍ୟା କରିନେବି ବୋଲି ଧମକ ଦେଇଥିଲେ । ଯୁବକଙ୍କ ଏଭଳି ପଦକ୍ଷେପ ଉପସ୍ଥିତ ଲୋକଙ୍କ ଛାତିର ସ୍ପନ୍ଦନ ବଢ଼ାଇ ଦେଇଥିଲା । ତେବେ କିଛି ସମୟ ପରେ ପାହାଡ଼ ଉପରେ ଚଢ଼ିଥିବା ଯୁବକଙ୍କୁ ପୁଲିସ କାବୁ କରି ନେଇଥିଲା ବୋଲି ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କୋତଓ୍ଵାଲିରେ ଥିବା ଏକ ସ୍କୁଲରେ ପାଠ ପଢ଼ାଉଥିବା ଦୁଇ ଶିକ୍ଷୟତ୍ରୀ ନିଜକୁ ପ୍ରିନ୍ସିପାଲ ପଦ ପାଇଁ ଯୋଗ୍ୟ ବୋଲି କହି ଝଗଡ଼ା ଆରମ୍ଭ କରିଥିଲେ । ଦୁହେଁ ସ୍କୁଲର ବରିଷ୍ଠ ଶିକ୍ଷୟତ୍ରୀ ଓ ଦୁହେଁ ଯୋଗ୍ୟ ବୋଲି କହି ଝଗଡ଼ା ଆରମ୍ଭ କରିବା ପରେ ଜଣଙ୍କ ସ୍ୱାମୀ ନିଜ ପତ୍ନୀଙ୍କୁ ସମର୍ଥନ କରିବାକୁ ଯାଇ ପାହାଡ଼ ଉପରକୁ ଚଢ଼ି ଯାଇଥିଲେ । ଉପରକୁ ଯାଇ ମୋ ପତ୍ନୀଙ୍କୁ ପ୍ରିନ୍ସିପାଲ ପଦ ନ ମିଳିଲେ ମୁଁ ଆତ୍ମହତ୍ୟା କରିବି ବୋଲି କହିବା ପରେ ପୁଲିସକୁ ଡ଼କାଯାଇଥିଲା । ଯାହା ପରେ ପୁଲିସ ଯୁବକଙ୍କୁ ବୁଝା ସୁଝା କରି ଥାନାକୁ ନେଇଥିବା ଜଣା ପଡ଼ିଛି ।