ପତ୍ନୀକୁ ବ୍ୟାଟରେ ବାଡେଇ ହତ୍ୟା କରିବା ପରେ ଖଟରେ ମୃତଦେହକୁ ଲୁଚାଇ ସ୍ୱାମୀ ଫେରାର
ଗୁରୁଗ୍ରାମ: କ୍ରିକେଟ ବ୍ୟାଟରେ ପତ୍ନୀକୁ ନିର୍ମମ ଭାବେ ହତ୍ୟା କରି ଖଟରେ ମୃତଦେହକୁ ଲୁଚାଇ ଫେରାର ହୋଇଗଲା ସ୍ୱାମୀ | ଏଭଳି ଏକ ନିର୍ମମ ହତ୍ୟାକାଣ୍ଡ ହରିୟାଣାର ଗୁରୁଗ୍ରାମରେ ଘଟିଛି | ମିଳିଥିବା ସୂଚନା ମୁତାବକ ଉଭୟ ସ୍ୱାମୀ ଏବଂ ସ୍ତ୍ରୀ ଗୁରୁଗ୍ରାମର ସେକ୍ଟର ୧୪ ର ଏକ ଭଡାଘରେ ରହୁଥିଲେ | ୨୫ ବର୍ଷୀୟ ରାଜ ତାଙ୍କ ପତ୍ନୀ ଶେହନାଜଙ୍କ ସହ ଭଡ଼ାଘରେ ରହୁଥିଲେ। ରାଜ ପଶ୍ଚିମବଙ୍ଗର ହୋଇଥିବାବେଳେ ଗୁରୁଗ୍ରାମର ଏକ କମ୍ପାନୀରେ କାମ କରୁଥିଲେ |
Sambad is now on WhatsApp
Join and get latest news updates delivered to you via WhatsApp
ଆସିଷ୍ଟାଣ୍ଟ କମିଶନର ଅଫ୍ ପୁଲିସ ପ୍ରୀତପାଲ ସାଙ୍ଗୱାନ୍ କହିଛନ୍ତି ଯେ ଶନିବାର ଦିନ ଲୋକମାନେ ରାଜ ଏବଂ ତାଙ୍କ ପତ୍ନୀ ଶାହନାଜଙ୍କୁ ଦେଖିନଥିଲେ। ଏହାପରେ ଘର ମାଲିକଙ୍କୁ ଜଣାଯାଇଥିଲା | ଘର ମାଲିକ ପୁଲିସକୁ ସୂଚନା ଦେଇଥିଲେ। ଯେତେବେଳେ ପୁଲିସ ରୁମର କବାଟ ଭାଙ୍ଗିଥିଲା ଦୁଇଟି ରକ୍ତ ଜୁଡୁବୁଡୁ ଭଙ୍ଗା କ୍ରିକେଟ୍ ବ୍ୟାଟ୍ କୋଠରୀରେ ପଡ଼ିଥିଲା |
ପୁଲିସ କୋଠରୀରେ ଥିବା ଖଟ ମଧ୍ୟରୁ ମହିଳାଙ୍କ ମୃତଦେହ ଜବତ କରିଥିଲା। ପୁଲିସ ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଥିଲା। ତେବେ ଅଭିଯୁକ୍ତ ସ୍ୱାମୀଙ୍କର କୌଣସି ଖୋଜ ଖବର ମିଳିନଥିଲା | ଘର ମାଲିକ ପୁଲିସକୁ କହିଥିଲେ ଯେ ପ୍ରାୟ ୨ ମାସ ପୂର୍ବରୁ ଉଭୟ ତାଙ୍କ ନିକଟକୁ ଆସିଥିଲେ। ଦୁହେଁ ଏଠାରେ କାମ କରୁଥିବାବେଳେ ହତ୍ୟାର କାରଣ ବାବଦରେ ଜଣାପଡିନାହିଁ |