ହାଇଦ୍ରାବାଦ: ବୁଧବାର ସନ୍ଧ୍ୟାରେ ହାଇଦ୍ରାବାଦର ନାମପାଲ୍ଲିରେ ଚାଲିଥିବା ନୁମାଇଶ ପ୍ରଦର୍ଶନୀରେ ଭୟବହ ଅଗ୍ନିକାଣ୍ଡ ଘଟିବାରୁ ପଡ଼ିଆରେ କୋକୁଆ ଭୟ ଖେଳି ଯାଇଥିଲା। ଶ୍ୱାସରୁଦ୍ଧ ହୋଇଯିବା କାରଣରୁ ସାତ ଜଣ ଲୋକଙ୍କୁ ତୁରନ୍ତ ଡାକ୍ତରଖାନାକୁ ନିଆ ଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ତେଲେଙ୍ଗାନାରେ ଆୟୋଜିତ ଏହି ଜନପ୍ରିୟ ବ୍ୟାବସାୟିକ ମେଳାରେ ଲାଗିଥିବା ନିଆଁ ଲିଭାଇବାକୁ ସଙ୍ଗେ ସଙ୍ଗେ ଦମକଳ ଯାଇ ପହଞ୍ଚିଥିଲା।
ପ୍ରଦର୍ଶନୀର ଗୋଟିଏ ଷ୍ଟଲ୍ରେ ପ୍ରଥମେ ନିଆଁ ଲାଗିବାରୁ ତାହା ଅନ୍ୟ ଷ୍ଟଲ୍କୁ ବ୍ୟାପୀ ଥିଲା। ବେଗମ୍ ବଜାରର ଜଣେ ପୁଲିସ କର୍ମଚାରୀଙ୍କ କହିବା ଅନୁସାରେ ୧୫ ରୁ ୨୦ ମିନିଟ୍ ମଧ୍ୟରେ ଅନ୍ୟୂନ ୫/୬ଟି ଏଲ୍ପିଜି ସିଲିଣ୍ଡର୍ ବିସ୍ଫୋରଣ ଘଟିବାରୁ ନିଆଁ ଦ୍ରୁତ ବେଗରେ ଚରି ଯାଇଥିଲା।
ପ୍ରଦର୍ଶନୀ ପଡ଼ିଆରେ ଲୋକେ ଭୟଭୀତ ହୋଇ ଧାଁଦୌଡ଼ କରିବାରୁ ଉପୁଜି ଥିବା ଦଳାଚକଟା ଭଳି ପରିସ୍ଥିତିକୁ ନିୟନ୍ତ୍ରଣ କରିବାକୁ ଘଟନାସ୍ଥଳରେ କାର୍ଯ୍ୟରତ କର୍ତ୍ତୃପକ୍ଷମାନଙ୍କ ପ୍ରତି କଠିନ ହୋଇଥିଲା।
ଧୂଆଁରେ ରୁନ୍ଧି ହୋଇ ଯାଇଥିବା କାରଣରୁ ସାତ ଜଣ ଲୋକଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା।
ନିଆଁଗୋଳ ମଧ୍ୟରେ ଅଟକି ରହି ଯାଇଥିବା ଲୋକମାନଙ୍କୁ ଉଦ୍ଧାର କରିବାକୁ ଗ୍ରେଟର୍ ହାଇଦ୍ରାବାଦ ମୁନିସ୍ପାଲ୍ କର୍ପୋରେସନ୍ ସମେତ କେତେକ ଉଦ୍ଧାରକାରୀ ଦଳ ଘଟନାସ୍ଥଳରେ ପହଞ୍ଚି ଥିଲେ।
ଜାନୁଆରି ୧ ତାରିଖରୁ ‘ନୁମାଇଶ’ ଭାବେ ଜଣାଶୁଣା ୪୫ ଦିନିଆ ଶିଳ୍ପ ପ୍ରଦର୍ଶନୀ ଆରମ୍ଭ ହୋଇଥିଲା।