ଭାରତରେ କାନାଡା କମ୍ପାନିର ଏମଆରଏନଏ କୋଭିଡ ଟିକା ତିଆରି କରିବ ହାଇଦ୍ରାବାଦର ଔଷଧ କମ୍ପାନି

ନୂଆଦିଲ୍ଲୀ : ଭାରତରେ ଟିକାର ଅଭାବ ମଧ୍ୟରେ ଆସିଛି ଭଲ ଖବର | ରୁଷ ଟିକା ସ୍ପୁଟନିକ-ଭିର ଉତ୍ପାଦନ ଭାରତରେ ଆରମ୍ଭ ହୋଇସାରିଥିବା ବେଳେ ଏବେ କାନାଡିଆନ ଟିକା ମେସେଞ୍ଜର ରିବନୁକ୍ଲିକ୍ ଏସିଡ୍ (ଏମଆରଏନଏ)ର ଉତ୍ପାଦନ ଭାରତରେ ଆରମ୍ଭ ହେବ | ହାଇଦ୍ରାବାଦ ଭିତ୍ତିକ ବାୟୋଲୋଜିକାଲ ଇ ମଙ୍ଗଳବାର ଦିନ କହିଛି ଯେ, ଭାରତରେ କାନାଡିଆନ କମ୍ପାନିର ଏମଆରଏନଏ କରୋନା ଟିକା ଉତ୍ପାଦନ ପାଇଁ ପ୍ରୋଭିଡେନ୍ସ ଥେରାପିଟିକ୍ସ ହୋଲଡିଂ ସହିତ ଏକ ଲାଇସେନ୍ସ ଚୁକ୍ତି କରିଛି।

ଏହା ପୂର୍ବରୁ ଜନସନ ଆଣ୍ଡ ଜନସନର ବାର୍ଷିକ ପ୍ରାୟ ୬୦୦ ନିୟୁତ ଡୋଜ କରୋନା ଟିକା ଉତ୍ପାଦନ ପାଇଁ ବାୟୋଲୋଜିକାଲ ଇ ଜନସନ ଆଣ୍ଡ ଜନସନ ସହିତ ପୃଥକ ଚୁକ୍ତି କରିସାରିଛି | ତେବେ ବାୟୋଲୋଜିକାଲ ଇ ଟିକା ଉତ୍ପାଦନ ସହ ଭାରତରେ ପ୍ରୋଭିଡେନ୍ସ ଟିକା ଉପରେ ଏକ କ୍ଲିନିକାଲ୍ ପରୀକ୍ଷା କରିବ ଏବଂ ଏଥିପାଇଁ ଜରୁରୀକାଳୀନ ବ୍ୟବହାର ଅନୁମୋଦନ ମାଗିବ ବୋଲି କମ୍ପାନି ଏକ ବିବୃତ୍ତିରେ କହିଛି।

ET HealthWorld

ପ୍ରୋଭିଡେନ୍ସର ମେସେଞ୍ଜର ରିବନୁକ୍ଲିକ୍ ଏସିଡ୍ (ଏମଆରଏନଏ) ଟିକା ପିଟିଏକ୍ସ-କୋଭିଡ୧୯-ବି ଟିକା ଶରୀରରେ ଏକ ପ୍ରୋଟିନ୍ ତିଆରି କରିଥାଏ, ଯାହା ପ୍ରତିରକ୍ଷା ଶକ୍ତି ବୃଦ୍ଧି କରିଥାଏ | ଆମେରିକୀୟ କମ୍ପାନି ଫାଇଜର ଏବଂ ମୋଡେର୍ନା ମଧ୍ୟ ସେମାନଙ୍କର କରୋନା ଟିକାରେ ଏମଆରଏନଏ ଟେକ୍ନୋଲୋଜି ବ୍ୟବହାର କରୁଥିବା ଜଣାପଡିଛି |