ମୁଁ ଏଭଳି ସରକାରଙ୍କୁ ସମର୍ଥନ କରୁଥିବାରୁ ଦୁଃଖିତ:ନୀତିଶଙ୍କୁ ଘେରିଲେ ଚିରାଗ

ପାଟନା: ଆଗାମୀ ଦୁଇ ମାସ ପରେ ବିହାରରେ ବିଧାନସଭା ନିର୍ବାଚନ ହେବାକୁ ଯାଉଛି। ଏହା ପୂର୍ବରୁ ରାଜ୍ୟରେ ରାଜନୈତିକ ଉଷ୍ଣତା ବୃଦ୍ଧି ପାଇବାରେ ଲାଗିଛି। ବିରୋଧୀ ଏବଂ ସରକାର ପରସ୍ପର ବିରୁଦ୍ଧରେ ଗମ୍ଭୀର ଅଭିଯୋଗ ଆଣୁଛନ୍ତି। 

ଲୋକ ଜନଶକ୍ତି ପାର୍ଟି (ରାମ ବିଳାସ) ମୁଖ୍ୟ ତଥା କେନ୍ଦ୍ର ମନ୍ତ୍ରୀ ଚିରାଗ ପାସୱାନ ରାଜ୍ୟରେ କ୍ରମାଗତ  ଭାବେ ବୃଦ୍ଧି ପାଉଥିବା ଅପରାଧ ଘଟଣା ନେଇ ମୁଖ୍ୟମନ୍ତ୍ରୀ ନୀତିଶ କୁମାର ସରକାରଙ୍କ ଉପରେ ପ୍ରଶ୍ନ ଉଠାଇଛନ୍ତି। ସେ କହିଛନ୍ତି, ମୁଁ ଦୁଃଖିତ ଯେ ମୁଁ ଏପରି ଏକ ସରକାରଙ୍କୁ ସମର୍ଥନ କରୁଛି। ସରକାରଙ୍କ ଶାସନରେ ୟ ଅପରାଧ ନିୟନ୍ତ୍ରଣ ବାହାରକୁ ଚାଲିଯାଇଛି।

ବିହାରରେ ଗତ କିଛି ଦିନ ଧରି ନିରନ୍ତର ହତ୍ୟା ଖବର ଆସୁଛି। ଗତ ଗୋଟିଏ ମାସ ମଧ୍ୟରେ ୫୦ରୁ ଅଧିକ ହତ୍ୟା ମାମଲା ରିପୋର୍ଟ ହୋଇଛି। ସ୍ପଷ୍ଟ ଦିବାଲୋକରେ ଗୁଳିକାଣ୍ଡ ଏବଂ ହସ୍ପିଟାଲରେ ହତ୍ୟା ଲୋକଙ୍କୁ ଭୟଭୀତ କରିଛି। ଫଳରେ ସରକାରଙ୍କୁ ସମର୍ଥନ କରୁଥିବା ରାଜନୈତିକ ଦଳଗୁଡ଼ିକ ମଧ୍ୟ ଏବେ ପ୍ରଶ୍ନ ଉଠାଇବା ଆରମ୍ଭ କରିଛନ୍ତି।

ଅଧିକ ପଢ଼ନ୍ତୁ: ଛୋଟପିଲାଙ୍କ ପିଲାଳିଆମି ଛଡ଼ାଇ ନେଉଛି ଟିଭି-ଇଣ୍ଟରନେଟ୍-ସୋସିଆଲ ମିଡିଆ: ଆହ୍ଲାବାଦ ହାଇକୋର୍ଟଙ୍କ ଗୁରୁତ୍ବପୂର୍ଣ୍ଣ ରାୟ

ବିହାରରେ ବଢୁଥିବା ଅପରାଧ ପ୍ରସଙ୍ଗରେ କେନ୍ଦ୍ରମନ୍ତ୍ରୀ ଚିରାଗ ପାସୱାନ କହିଛନ୍ତି, ଅପରାଧ ଯେପରି ଘଟୁଛି, ପ୍ରଶାସନ ସମ୍ପୂର୍ଣ୍ଣ ଭାବରେ ଅପରାଧୀଙ୍କ ନିକଟରେ ଆତ୍ମସମର୍ପଣ କରିଥିବା ମନେହେଉଛି। ଏଭଳି ଘଟଣାକୁ ନିନ୍ଦା କରିବା ଜରୁରୀ, କିନ୍ତୁ ଏପରି ଘଟଣା କାହିଁକି ଘଟୁଛି? ଏହା ବିଷୟରେ ଆଲୋଚନା କରାଯିବା ଗୁରୁତ୍ୱପୂର୍ଣ୍ଣ। ଅପରାଧର ଏକ ଧାରାବାହିକ ଭାବେ ଚାଲିଛି। ଯଦି ଏଭଳି ଧାରା ଜାରି ରୁହେ, ତେବେ ପରିସ୍ଥିତି ଭୟଙ୍କର ହୋଇଯିବ। ଏବେ ରାଜ୍ୟର ଆଇନ ଶୃଙ୍ଖଳା ପରିସ୍ଥିତି ସଙ୍କଟ ଜନକ ହୋଇଥିବା‌ ସେ କହିଛନ୍ତି। 

VIDEO | Talking about rising crime in Bihar, Union Minister and LJP (Ramvilas) chief Chirag Paswan (@iChiragPaswan) says that he feels sad to support a government where the crime has become uncontrolled.

He says, "The way crime is happening in Bihar, the administration has… pic.twitter.com/KntL7ETWbP

— Press Trust of India (@PTI_News) July 26, 2025

ଚିରାଗ ପାସୱାନ କହିଛନ୍ତି, ଯଦି କୁହାଯାଏ ଯେ, ବିହାରରେ ଘଟଣାଗୁଡ଼ିକ ନିର୍ବାଚନ ଯୋଗୁ ଘଟୁଛି, ତେବେ ମୁଁ ଏହା ମଧ୍ୟ କହିପାରିବି ଯେ ଏହା ହୋଇଥାଇପାରେ। ଏହା ସରକାରଙ୍କୁ ବଦନାମ କରିବାର ଏକ ଷଡ଼ଯନ୍ତ୍ର ହୋଇପାରେ, କିନ୍ତୁ ଏହାକୁ ନିୟନ୍ତ୍ରଣ କରିବା ପ୍ରଶାସନର ଦାୟିତ୍ୱ।

ସେ କହିଛନ୍ତି,ଏସବୁ ମଧ୍ୟରେ ମୁଁ ସରକାରଙ୍କୁ ସମୟୋଚିତ ପଦକ୍ଷେପ ନେବାକୁ ଅନୁରୋଧ କରୁଛି। ମୁଁ ଦୁଃଖିତ, ମୁଁ ଏପରି ଏକ ସରକାରଙ୍କୁ ସମର୍ଥନ କରୁଛି ଯେଉଁଠାରେ ଅପରାଧ ନିୟନ୍ତ୍ରଣ ବାହାରକୁ ଚାଲିଯାଇଛି। ବିହାର ଆଉ ସରକାରଙ୍କ ନିୟନ୍ତ୍ରଣରେ ନାହିଁ। ଲୋକମାନେ ବିରକ୍ତ ଏବଂ ଆତଙ୍କିତ ହୋଇଗଲେଣି।

ସୂଚନାଯୋଗ୍ୟ, ଚିରାଗ ପାସୱାନ ଗତ କିଛି ଦିନ ଧରି ନିରନ୍ତର ସରକାରଙ୍କ ଉପରେ ପ୍ରଶ୍ନ ଉଠାଇ ଆସୁଛନ୍ତି। ପୂର୍ବରୁ ଚିରାଗଙ୍କ ଦଳର ଅନ୍ୟ ସାଂସଦମାନେ ମଧ୍ୟ ଆଇନ ଶୃଙ୍ଖଳା ପ୍ରସଙ୍ଗରେ ସରକାରଙ୍କୁ ଘେରିଥିଲେ ଏବଂ ୟୁପିର ଯୋଗୀ ସରକାରଙ୍କଠାରୁ ଶିଖିବା ବିଷୟରେ କହିଥିଲେ।

ଅଧିକ ପଢ଼ନ୍ତୁ: ବଢ଼ିଲା ସାମ୍ବାଦିକଙ୍କ ପେନ୍‌ସନ; ୬ରୁ ୧୫ ହଜାରକୁ ବୃଦ୍ଧି

Bihar | chiragpaswan | Nitish Kumar