ଆଇସିୟୁରୁ ବାହାରିବା ପରେ ପ୍ରଥମେ ଏହି କାମ କରିଥିଲେ ବ୍ରିଟେନର ପ୍ରଧାନମନ୍ତ୍ରୀ ବୋରିସ୍ ଜନସନ
ଲଣ୍ଡନ: କିଛି ଦିନ ତଳେ କରୋନା ଭଳି ମହାମାରୀ ଭୂତାଣୁର ଶିକାର ହୋଇ ଆଇସିୟୁରେ ଭର୍ତ୍ତି ହୋଇଥିଲେ ବ୍ରିଟେନର ପ୍ରଧାନମନ୍ତ୍ରୀ ବୋରିସ୍ ଜନସନ | ଏବେ ସେ ଆଇସିୟୁରୁ ବାହାରିବା ପରେ ପ୍ରଥମେ ସ୍ୱାସ୍ଥ୍ୟ ସେବା କର୍ମଚାରୀଙ୍କୁ ପ୍ରଂଶସା କରିଥିବା ଜଣାପଡିଛି | ସେ କହିଛନ୍ତି, ବ୍ରିଟେନର ରାଷ୍ଟ୍ରାୟତ୍ତ ଜାତୀୟ ସ୍ୱାସ୍ଥ୍ୟ ସେବା କର୍ମଚାରୀଙ୍କ ପାଇଁ ସେ ତାଙ୍କ ଜୀବନ ଫେରି ପାଇଛନ୍ତି | ଆଇସିୟୁରୁ ବାହାରିବା ପରେ ସ୍ୱାସ୍ଥ୍ୟ ସେବା କର୍ମଚାରୀଙ୍କୁ ପାଇଁ ସେ କହିଥିଲେ, ମୁଁ ସେମାନଙ୍କୁ ଯଥେଷ୍ଟ ଧନ୍ୟବାଦ ଦେଇ ପାରିବି ନାହିଁ | ସେମାନଙ୍କ ପାଇଁ ମୋ ଜୀବନ ଉତ୍ସର୍ଗୀକୃତ |
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କରୋନା ଭୂତାଣୁ ଦ୍ୱାରା ସଂକ୍ରମିତ ହେବା ପରେ ପ୍ରଧାନମନ୍ତ୍ରୀ ବୋରିସ୍ ଜନସନ ନିଜ ବାସଭବନରେ ରହି କାମ କରୁଥିଲେ | କିନ୍ତୁ ସଂକ୍ରମିତ ହେବାର ୧୦ଦିନ ପରେ ତାଙ୍କ ଅବସ୍ଥା ବିଗିଡ଼ିବାରୁ ଚିକିତ୍ସା ପାଇଁ ତାଙ୍କୁ ସେଣ୍ଟ ଥୋମାସ ହସ୍ପିଟାଲକୁ ନିଆଯାଇଥିଲା। ଏପ୍ରିଲ ୬ରେ ତାଙ୍କୁ ଆଇସିୟୁରେ ଭର୍ତ୍ତି କରାଯାଇଥିବା ବେଳେ ଏପ୍ରିଲ ୯ରେ ତାଙ୍କୁ ଆଇସିୟୁରୁ ବାହାର କରାଯାଇଥିଲା | ସ୍ୱାସ୍ଥ୍ୟ ସେବା କର୍ମଚାରୀଙ୍କ ପାଇଁ ସେ ଖୁବ ଶୀଘ୍ର ଭଲ ହୋଇଯାଇଥିବାରୁ ସେମାନଙ୍କୁ ନିଜ ଅନ୍ଦାଜରେ ଧନ୍ୟବାଦ ଜଣାଇଛନ୍ତି ବୋରିସ୍ ଜନସନ |