ମୁଁ ପଞ୍ଚକୁଳା ହିଂସାର ମାଷ୍ଟର୍ମାଇଣ୍ଡ୍: ହନିପ୍ରୀତ୍
ଚଣ୍ଡିଗଡ଼: ହନିପ୍ରୀତ୍ ଇନ୍ସାନ୍ଙ୍କୁ ପଚରା ଉଚୁରା କରୁଥିବା ହରିୟାନା ପୁଲିସର ଏସ୍ଆଇଟି ଟିମ୍ ପ୍ରକାଶ କରିଛି ଯେ ଅନ୍ୟୂନ ୩୮ ଜଣ ବ୍ୟକ୍ତି ପ୍ରାଣ ହରାଇଥିବା ପଞ୍ଚକୁଳା ହିଂସାରେ ଗୁରମୀତ ରାମ୍ ରହିମ୍ଙ୍କ ବିବାଦୀୟ ପୋଷ୍ୟା କନ୍ୟାଙ୍କର ସମ୍ପୃକ୍ତି ଥିବା କଥା ସ୍ୱୀକାର କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ପଚରା ଉଚୁରାବେଳେ ହନିପ୍ରୀତ୍ ସ୍ୱୀକାର କରିଥିଲେ ଯେ ହିଂସା ସଂଗଠିତ ହୋଇଥିବା ପଞ୍ଚକୁଳାର ଗାଇଡ୍ ମ୍ୟାପ୍ ସେ ପ୍ରସ୍ତୁତ କରିଥିଲେ।
ସେ ମଧ୍ୟ କହିଛନ୍ତି ଯେ ହିଂସା ଆୟୋଜନ କରିବା ଏବଂ ପାଣ୍ଠି ଯୋଗାଇବାକୁ ଡେରା କର୍ମକର୍ତ୍ତାମାନଙ୍କୁ ଦାୟିତ୍ୱ ଦିଆଯାଇ ଥିଲା।
ଇତିମଧ୍ୟରେ ପୁଲିସ ଅଦାଲତଙ୍କୁ କହିଛି ଯେ ସମସ୍ତ ସମ୍ବନ୍ଧୀୟ ସୂଚନା ଲ୍ୟାପ୍ଟପ୍ରେ ସେଭ୍ କରାଯାଇଛି ଏବଂ ଖୁବ୍ ଶୀଘ୍ର ସେ ସବୁକୁ ରିକଭର୍ କରାଯିବ।
ତଦନ୍ତକାରୀଙ୍କ ମତରେ, ଅଗଷ୍ଟ ୧୭ ତାରିଖ ଦିନ ଏକ ବୈଠକରେ ଅଗଷ୍ଟ ୨୫ ନିମନ୍ତେ ହିଂସାର ଏକ ରୂପରେଖ ପ୍ରସ୍ତୁତ କରାଯାଇଥିଲା।
ଏହା ବ୍ୟତିରେକେ, ହନିପ୍ରୀତ୍ଙ୍କ ଲାପ୍ଟପ୍ରେ ମଧ୍ୟ ଡେରାର ଅର୍ଥନୈତିକ ଦେଣନେଣ ସମ୍ବନ୍ଧିତ ତଥ୍ୟ ଥାଇପାରେ।