ନିର୍ବାଚନରେ ପରାଜିତ ହେଲେ ଲଣ୍ଡା ହେବି: ବିଜେପି ମନ୍ତ୍ରୀଙ୍କ ବଡ଼ ଘୋଷଣା

ଜୟପୁର: ମହାରାଷ୍ଟ୍ର ଏବଂ ଝାଡଖଣ୍ଡରେ ବିଧାନସଭା ନିର୍ବାଚନ ସହିତ ଅନେକ ରାଜ୍ୟରେ କେତେକ ଆସନରେ ଉପନିର୍ବାଚନ ମଧ୍ୟ ଅନୁଷ୍ଠିତ ହେଉଛି। ରାଜସ୍ଥାନର ୭ଟି ଆସନରେ ମଧ୍ୟ ଉପନିର୍ବାଚନ ଅନୁଷ୍ଠିତ ହେବାକୁ ଯାଉଛି। ରାଜ୍ୟର ବିଧାନସଭା ଉପନିର୍ବାଚନ ଉପରେ ସମସ୍ତଙ୍କ ନଜର ରହିଛି। ବିଜେପିର ସ୍ବାସ୍ଥ୍ୟ ମନ୍ତ୍ରୀ ଗଜେନ୍ଦ୍ର ସିଂ ଖିମସର ଏକ ବଡ଼ ବିବୃତି ଦେଇଛନ୍ତି।

ସେ କହିଛନ୍ତି, ମୁଁ ଗ୍ୟାରେଣ୍ଟି ଦେବାକୁ ଚାହୁଁଛି ଯେ ଆମେ ଏହି ନିର୍ବାଚନରେ ​​କେବେ ବି ହାରିବୁ ନାହିଁ। ଯଦି ଆମେ ପରାଜିତ ହେଉ, ତେବେ ମୁଁ ମୋର ନିଶଦାଢ଼ି କାଟିବା ସହ ଲଣ୍ଡା ହେବି।

ଖିମସର କହିଛନ୍ତି ଯେତେବେଳେ ମୁଁ ଏଠାରୁ ନିର୍ବାଚନ ଲଢ଼ିଥିଲି, ସେତେବେଳେ ମୁଁ ଖିଭଂସରର ମତଦାନ ବୁଥରେ ୯୫ ପ୍ରତିଶତ ଭୋଟ୍ ପାଇଥିଲି। ଆଜି ମୁଁ ସମସ୍ତଙ୍କୁ କହୁଛି ଏହି ନିର୍ବାଚନ ସମସ୍ତଙ୍କ ପାଇଁ ଏବଂ ଗାଁର ବିକାଶ ପାଇଁ। ମୁଁ ପ୍ରଥମ ଥର ପାଇଁ ନିର୍ବାଚନରେ ​​ଜିତିଲି ଏବଂ ବସୁନ୍ଧରା ରାଜେ ମୋତେ ମନ୍ତ୍ରୀ କରାଇଥିଲେ।

ଅଧିକ ପଢ଼ନ୍ତୁ: ଅଗ୍ନିଶମ ସେବା ଆଧୁନିକୀକରଣ: ପଶ୍ଚିମବଙ୍ଗ-ଓଡିଶା-ଛତିଶଗଡ ପାଇଁ ୭୨୫ କୋଟି ଟଙ୍କା ମଞ୍ଜୁର, ଓଡ଼ିଶା ଭାଗରେ ୨୦୧.୧୦ କୋଟି

अभी नहीं तो कभी नहीं...!

खींवसर के गौरव और विकास को नई ऊंचाइयों पर ले जाने का समय आ गया है। अब चुप बैठने का नहीं बल्कि एक सशक्त और निर्णायक नेतृत्व को चुनने का वक्त है।

आइए, खींवसर से भाजपा प्रत्याशी श्री रेवंत राम डांगा जी को भारी मतों से विजयी बनाएं। आपका एक-एक वोट खींवसर की… pic.twitter.com/u0kyXpjvlf

— Gajendra Singh Khimsar (@GajendraKhimsar) November 12, 2024

ମୁଁ ଏହି କ୍ଷେତ୍ରକୁ ସମ୍ପୂର୍ଣ୍ଣ ରୂପେ ବିକଶିତ କରିଥିଲି। ଖିମସର କହିଛନ୍ତି, ମୋର କ୍ୟାବିନେଟ ମନ୍ତ୍ରୀ ପଦ ଅଛି, ମୁଁ  ବରିଷ୍ଠ ପଦରେ ଅଛି। ଆମ ପାର୍ଟି ଯୋଗୁ  କେନାଲ ଜଳ ଆପଣଙ୍କ ପାଖରେ ପହଞ୍ଚିଲା। ଏହି ସମୟରେ ବିଜେପି ପ୍ରାର୍ଥୀ ରେଭନ୍ତରାମ ଡାଙ୍ଗା ଏବଂ ବିଜେପି ରାଜ୍ୟ ଉପାଧ୍ୟକ୍ଷ ଜ୍ୟୋତି ମିର୍ଦ୍ଧା ମଧ୍ୟ ମଞ୍ଚରେ ଉପସ୍ଥିତ ଥିଲେ।

ସୂଚନାଯୋଗ୍ୟ, ବୁଧବାର ରାଜ୍ୟର ୭ଟି ଆସନରେ ଭୋଟ୍ ଗ୍ରହଣ କରାଯିବ। ଏଥିମଧ୍ୟରେ ଖିଭଂସର, ଦେଓଲି-ୟୁନିୟ‌ାରା, ଦୌସା, ଝୁଝୁଞ୍ନୁ, ରାମଗଡ, ସାଲମ୍ବର ଏବଂ ଚୌରାସୀ ବିଧାନସଭା ଆସନ ରହିଛି।

ଅଧିକ ପଢ଼ନ୍ତୁ: କୌଣସି ଧର୍ମ ପ୍ରଦୂଷଣକୁ ପ୍ରୋତ୍ସାହିତ କରେ ନାହିଁ: ସୁପ୍ରିମକୋର୍ଟ