ଋଷୀୟ ସେନାରେ ସାମିଲ ହେବା ପରେ ହିଁ ସୁଖୋଇ-୫୭ ସାମିଲ ସମ୍ପର୍କରେ ବିଚାର କରାଯିବ: ବାୟୁସେନା ମୁଖ୍ୟ
ନୂଆଦିଲ୍ଲୀ : ଭାରତକୁ ନିଜର ଅତ୍ୟାଧୁନିକ ୫ମ ପିଢିର ସୁଖୋଇ-୫୭ ଲଢୁଆ ବିମାନ ଦେବାକୁ ଋଷିଆ ପ୍ରସ୍ତାବ ଦେଇଥିବାବେଳେ ଭାରତ କହିଛି ଯେ ଋଷିଆ ସେନା ବାହିନୀରେ ଏହି ବିମାନ ସାମିଲ ହେବା ପରେ ଏ ସଂପର୍କରେ ବିଚାର କରାଯିବ । ମସ୍କୋ ଗସ୍ତରେ ଥିବା ବାୟୁସେନା ମୁଖ୍ୟ ବିଏସ ଧାନୋଆ ଋଷୀୟ ମିଲିଟାରୀ ପତ୍ରିକା କାସନାୟା ବେଜଦାକୁ ସାକ୍ଷାତକାର ଦେଇ କହିଛନ୍ତି ଯେ ଏହି ବିମାନ ସଂପର୍କରେ ଏବେ ଭାରତ ସରକାର କୌଣସି ବିଚାର କରୁନାହାନ୍ତି । ଏହା ଋଷୀୟ ବାୟୁସେନାରେ ସାମିଲ ହେବା ପରେ ଏ ସଂପର୍କରେ ବିଚାର କରାଯିବ ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ଭାରତ ସହ ମିଶି ଏହି ୫ମ ପିଢିର ବିମାନକୁ ଆହୁରି ବିକଶିତ କରିବାକୁ ଋଷିଆ ପ୍ରସ୍ତାବ ଦେଇଛି, ଯେପରିକି ଆସନ୍ତା କିଛି ଦଶନ୍ଧି ପର୍ଯ୍ୟନ୍ତ ଏହି ଦୁଇଦେଶର ଏୟାରଫୋର୍ସରେ ମୁଖ୍ୟ ବିମାନଭାବେ କାମ କରିପାରିବ । ଏକଥା କହିଛନ୍ତି ଋଷିଆର ଜାତୀୟ ସାମରିକ ଓ ପ୍ରଯୁକ୍ତିଗତ ସହଯୋଗିତା ସଂସ୍ଥାର ଉପ-ନିର୍ଦ୍ଦେଶକ ଭ୍ଲାଦିମିର ଡ୍ରୋଜୋଭ କହିଛନ୍ତି । ସେ କହିଛନ୍ତି ଯେ ସୁଖୋଇ-୫୭ର କେତେକ ସ୍ୱତନ୍ତ୍ର ସାମରିକ କ୍ଷମତା ରହିଛି ଯାହାକି ଅନ୍ୟ ବିମାନରେ ନାହିଁ ।