ଭାରତୀୟ ବାୟୁସେନା ହଟାଇଲା ଆକାଶମାର୍ଗରେ ପ୍ରତିବନ୍ଧକ
ନୂଆଦିଲ୍ଲୀ: ଵାଲାକୋଟ ଏୟାର ଷ୍ଟ୍ରାଇକ ପରେ ଭାରତ ଆକାଶ ମାର୍ଗରେ ଅସ୍ଥାୟୀ ଭାବରେ ଲଗାଯାଇଥିବା ପ୍ରତିବନ୍ଧକକୁ ହଟାଇ ଦିଆଯାଇଛି । ଭାରତୀୟ ବାୟୁସେନା ପକ୍ଷରୁ ଏ ନେଇ ସୂଚନା ଦିଆଯାଇଛି। ଭାରତୀୟ ବାୟୁସେନା ପକ୍ଷରୁ ସୂଚନା ଦିଆଯାଇଛି ଯେ ଫେବୃୟାରୀ ୨୭ ତାରିଖରେ ଭାରତ ଅଧୀନରେ ଆସୁଥିବା ସବୁ ଆକାଶମାର୍ଗରେ ପ୍ରତିବନ୍ଧକ ଲଗାଯାଇଥିଲା। ଏବେ ଏହାକୁ ହଟାଇ ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ଫେବୃୟାରୀ ୧୪ରେ ପୁଲଓ୍ୱାମା ଆକ୍ରମଣ ପରେ ଭାରତୀୟ ବାୟୁସେନାର ମିରାଜ ୨୦୦୦ ଲଢୁଆ ବିମାନ ପାକିସ୍ତାନ ସୀମାରେ ପଶି ଵାଲାକୋଟରେ ଥିବା ଆତଙ୍କବାଦୀ ଆଡ୍ଡାକୁ ଧ୍ବଂସ କରିଦେଇଥିଲା । ଏହି ଆକ୍ରମଣରେ ଆତଙ୍କବାଦୀ ସଂଗଠନ ଜେସ ଏ ମହମ୍ମଦର ପ୍ରଶିକ୍ଷଣ ଶିବିର ଧ୍ୱସ୍ତବିଧ୍ୱସ୍ତ ହୋଇଯାଇଥିଲା । ଏହା ପରେ ବାୟୁସେନା ପକ୍ଷରୁ ଆକାଶମାର୍ଗରେ ପ୍ରତିବନ୍ଧକ ଲଗାଯାଇଥିଲା । ଅନ୍ୟ ପଟେ ପାକିସ୍ତାନ ବୁଧବାର ଦିନ ବାଣିଜ୍ୟିକ ଉଡାଣ ପାଇଁ ଏହାର ଆକାଶମାର୍ଗରେ ପ୍ରତିବନ୍ଧକକୁ ଜୁନ ୧୪ ତାରିଖ ଯାଏଁ ବଢ଼ାଇଦେଇଛି।
ଏହା ଫଳରେ ୟୁରୋପ ଓ ଦକ୍ଷିଣ ପୂର୍ବ ଏସିଆର ଉଡାଣ ପ୍ରଭାବିତ ହେଉଛି । କାରଣ ଭାରତର ଆକାଶମାର୍ଗକୁ ବ୍ୟବହାର କରୁଥିବା ବିଦେଶୀ ବିମାନଗୁଡ଼ିକୁ ବାଧ୍ୟ ହୋଇ ଲମ୍ବା ପଥ ଅତିକ୍ରମ କରିବାକୁ ପଡୁଡ଼ି । କାରଣ ସେମାନଙ୍କୁ ପାକିସ୍ତାନ ଉପର ଦେଇ ଯାଇହେବନି ।