ପ୍ରକାଶ ପାଇଲା ଆଇସିଏସଇ ଦଶମ ପରୀକ୍ଷା ଫଳ: ଛାତ୍ରଙ୍କ ତୁଳନାରେ ଆଗରେ ଅଛନ୍ତି ଛାତ୍ରୀ
ନୂଆଦିଲ୍ଲୀ: କାଉନ୍ସିଲ୍ ଫର୍ ଦ ଇଣ୍ଡିଆନ୍ ସ୍କୁଲ୍ ସାର୍ଟିଫିକେଟ୍ ଏକଜାମିନେସନସ୍ ( ସିଆଇଏସସିଇ) ଜାରି କଲା ଆଇସିଏସଇ ଦଶମ ପରୀକ୍ଷା ଫଳ। ଯେଉଁମାନେ ଆଇସିଏସଇ ଦଶମ ପରୀକ୍ଷା ଦେଇଥିଲେ ସେମାନେ ବୋର୍ଡର ଅଫିସିଆଲ୍ ୱେବସାଇଟ୍ cisce.orgକୁ ଯାଇ ସେମାନଙ୍କର ଫଳାଫଳ ଯାଞ୍ଚ କରିପାରିବେ। ଫଳାଫଳ ଯାଞ୍ଚ କରିବା ପାଇଁ ଛାତ୍ରଛାତ୍ରୀମାନଙ୍କୁ ସେମାନଙ୍କର ରୋଲ୍ ନମ୍ବର ଦେବାକୁ ହେବ। ଛାତ୍ରଙ୍କ ତୁଳନାରେ ଛାତ୍ରୀମାନେ ପରୀକ୍ଷାରେ ଭଲ ମାର୍କ ରଖିଥିବା ଜଣାପଡ଼ିଛି। ଛାତ୍ରୀମାନଙ୍କ ପାସ୍ ହାର ୯୯.୯୮ ଥିବା ବେଳେ ଛାତ୍ରଙ୍କ ପାସ୍ ହାର ରହିଛି ୯୯.୯୭%। cisce.org ବ୍ୟତୀତ results.cisce.org, results.nic.in ୱେବସାଇଟକୁ ଯାଇ ଛାତ୍ରଛାତ୍ରୀ ପରୀକ୍ଷାର ଫଳାଫଳ ପାଇପାରିବେ। କିପରି ଆପଣ ଫଳାଫଳ ଯାଞ୍ଚ କରିବେ, ଆସନ୍ତୁ ଜାଣିବା…
Sambad is now on WhatsApp
Join and get latest news updates delivered to you via WhatsApp
୧.ସର୍ବପ୍ରଥମେ ବୋର୍ଡର ଅଫିସିଆଲ୍ ୱେବସାଇଟ୍ cisce.org କୁ ଯାଆନ୍ତୁ।
୨. ମୂଳପୃଷ୍ଠାରେ ଥିବା ‘ଆଇସିଏସଇ ଫଳାଫଳ ୨୦୨୨’ ଲିଙ୍କରେ କ୍ଲିକ୍ କରନ୍ତୁ।
୩. ବର୍ତ୍ତମାନ ଇଣ୍ଡେକ୍ସ ନମ୍ବର, ୟୁଆଇଡି ଏବଂ କ୍ୟାପଚା କୋଡ୍ ପରି ଲଗ ଇନ୍ ପରିଚୟପତ୍ର ଦିଅନ୍ତୁ।
୪. ଏହା ପରେ ଆପଣଙ୍କର ‘ଆଇସିଏସଇ ଦଶମ ଫଳାଫଳ ୨୦୨୨’ ସ୍କ୍ରିନରେ ଖୋଲିଯିବ।
୫. ଏହାକୁ ଯାଞ୍ଚ କରନ୍ତୁ ଏବଂ ଡାଉନଲୋଡ୍ କରନ୍ତୁ।
୬. ଛାତ୍ରଛାତ୍ରୀମାନେ ଫଳାଫଳର ଡିଜିଟାଲ୍ ମାର୍କ ସିଟ୍ ଡାଉନଲୋଡ୍ କରିପାରିବେ ଏବଂ ଏହାର ଏକ ପ୍ରିଣ୍ଟଆଉଟ୍ ବାହାରପାରିବେ।