ପ୍ରକାଶ ପାଇଲା ଆଇସିଏସଇ ଦଶମ ଏବଂ ଆଇଏସସି ଦ୍ବାଦଶ ପରୀକ୍ଷା ଫଳ, ଜାଣନ୍ତୁ ଦେଶରେ କେତେ ରହିଛି ପାସ୍ ହାର
ନୂଆଦିଲ୍ଲୀ : ପ୍ରକାଶ ପାଇଲା ଆଇସିଏସଇ (ଦଶମ) ଏବଂ ଆଇଏସସି ( ଦ୍ବାଦଶ) ପରୀକ୍ଷା ଫଳ । ଅପରାହ୍ନ ୩ଟାରେ ଏହି ପରୀକ୍ଷା ଫଳ ପ୍ରକାଶ ପାଇଥିବା ବେଳେ ଦେଶରେ ଆଇସିଏସଇର ପାସ ହାର ଗତବର୍ଷଠାରୁ ବଢ଼ିଥିବା ଦେଖାଯାଇଛି । ଚଳିତ ବର୍ଷ ଆଇସିଏସଇ ଦଶମ ଶ୍ରେଣୀର ପାସ୍ ହାର ୯୯.୩୩% ଓ ଆଇଏସସି ଦ୍ବାଦଶ ଶ୍ରେଣୀର ପାସ୍ ହାର ୯୬.୮୪% ଥିବା ବେଳେ ଗତ ବର୍ଷ ଆଇସିଏସଇର ପାସ ହାର ୯୮.୫୪% ଏବଂ ଆଇଏସସି ପାସ୍ ହାର ୯୬.୫୨% ଥିଲା ।
Sambad is now on WhatsApp
Join and get latest news updates delivered to you via WhatsApp
ଘୋଷିତ ଫଳାଫଳ ଅନୁଯାୟୀ, ଆଇସିଏସ୍ଇର ମୋଟ ୨,୦୬,୫୨୫ ଜଣ ଛାତ୍ର-ଛାତ୍ରୀ ଦଶମ ଶ୍ରେଣୀ ପରୀକ୍ଷାରେ ପାସ କରିଥିବା ବେଳେ ୧,୩୭୭ ଜଣ ଛାତ୍ର-ଛାତ୍ରୀ ଫେଲ ହୋଇଛନ୍ତି। ସେହିଭଳି ଆଇଏସସି ଦ୍ୱାଦଶ ଶ୍ରେଣୀ ପରୀକ୍ଷାରେ ୮୫,୬୧୧ଜଣ ପାସ କରିଥିବା ବେଳେ ୨,୭୯୮ଜଣ ଛାତ୍ର-ଛାତ୍ରୀ ଫେଲ ହୋଇଛନ୍ତି। ତେବେ କୋଭିଡ ପରିସ୍ଥିତି ପାଇଁ ଚଳିତ ବର୍ଷ ସିଆଇଏସସିଇ ଆଇସିଏସଇ କିମ୍ବା ଆଇଏସସିର ମେରିଟ୍ ତାଲିକା ପ୍ରକାଶ କରିବ ନାହିଁ ବୋଲି ସିଆଇଏସସିଇର ମୁଖ୍ୟ କାର୍ଯ୍ୟନିର୍ବାହୀ ତଥା ସଚିବ ଗେରି ଆରାଥନ୍ କହିଛନ୍ତି।
Council for the Indian School Certificate Examination (CISCE) declares result for Class 10 (ICSE) and Class 12 (ISC) for the year 2020. Pass percentage of Class 10th is 99.33% and that of Class 12th is 96.84% pic.twitter.com/R5LhFN5XGi
— ANI (@ANI) July 10, 2020
ଯଦି କୌଣସି ଛାତ୍ର-ଛାତ୍ରୀ ପୁନଃ ମୂଲ୍ୟାଙ୍କନ କରିବା ପାଇଁ ଚାହୁଁଥିବେ, ତେବେ ସେମାନେ www.cisce.org ୱେବସାଇଟରେ ଆବେଦନ କରି ପାରିବେ । ଆଇସିଏସଇ ଏବଂ ଆଇଏସସି ଛାତ୍ର-ଛାତ୍ରୀଙ୍କ ପାଇଁ ପୁନଃ ମୂଲ୍ୟାଙ୍କନ ରାଶି ୧,୦୦୦ଟଙ୍କା ରଖାଯାଇଛି ।