ଛତିଶଗଡ଼ରେ ପୁଣି ମାତିଲେ ନକ୍ସଲ,ଆଇଇଡି ବିସ୍ଫୋରଣରେ ସିଆରପିଏଫ ଯବାନ ଆହତ
ରାୟପୁର : ନିର୍ବାଚନ ସମୟରେ ଛତିଶଗଡ଼ରେ ନକ୍ସଲମାନେ ସକ୍ରିୟ ହୋଇଯାଇଛନ୍ତି । ଗତ କାଲି ଆଇଇଡି ବିସ୍ଫୋରଣ କରି ଜଣେ ବିଜେପି ବିଧାୟକଙ୍କ ସମେତ ମୋଟ ୫ ଜଣଙ୍କୁ ମାରିବା ପରେ ଆଜି ପୁଣି ଆଇଡି ବିସ୍ଫୋରଣ ଘଟାଇଛନ୍ତି । ଛତିଶଗଡର ଗଡଚିରୋଲି ଜିଲ୍ଲା ଏଟ୍ଟାପାଲ୍ଲିଠାରେ ଏହି ଆଇଇଡି ବିସ୍ଫୋରଣ ହୋଇଛି । ଏଥିରେ ଜଣେ ସିଆରପିଏଫ ଯବାନ ଗୁରୁତର ଆହତ ହୋଇଛନ୍ତି । ତାଙ୍କୁ ହେଲିକାପ୍ଟର ଯୋଗେ ଡାକ୍ତରଖାନାରେ ଭର୍ତ୍ତି କରାଯାଇଛି । ତାଙ୍କ ଅବସ୍ଥା ଗୁରୁତର ରହିଥିବା ଜଣାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଗତ କାଲି ରାଜ୍ୟର ଦାନ୍ତେଓ୍ଵାଡ଼ା ଜିଲ୍ଲାର କୁଆଗୁଡ଼ା ନାମକ ସ୍ଥାନରେ ମାଓବାଦୀମାନେ ଇମ୍ପ୍ରୋଭାଇଜଡ ଏକ୍ସପ୍ଲୋସିଭ ଡିଭାଇସ (ଆଇଇଡି) ବିସ୍ଫୋରଣ କରିବା ଫଳରେ ବିଜେପି ବିଧାୟକ ଭୀମା ମଣ୍ଡାଭୀ ନିହତ ହୋଇଥିଲେ । ଏହା ସହିତ ତାଙ୍କ ସହିତ ଥିବା ୪ ଜଣ ଯବାନ ସହିଦ ହୋଇଥିଲେ । ବିଧାୟକ ଭୀମା ମଣ୍ଡାଭୀଙ୍କ ନିର୍ବାଚନ ପ୍ରଚାର ପାଇଁ ଯାଉଥିବାବେଳେ ଏହି ବିସ୍ଫୋରଣ ହୋଇଥିଲା ।