ସଂସଦରେ କହିବା ମୋ ଅଧିକାର, ଆଶା କରୁଛି ଆସନ୍ତାକାଲି ମୋତେ କହିବାକୁ ଦିଆଯିବ : ରାହୁଲ ଗାନ୍ଧି
ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧି ଲଣ୍ଡନରେ ତାଙ୍କ ବୟାନକୁ ନେଇ ସୃଷ୍ଟି ହୋଇଥିବା ବିବାଦକୁ ନେଇ ଗୁରୁବାର ଦିନ ମୁହଁ ଖୋଲିଛନ୍ତି । ସେ କହିଛନ୍ତି ଯେ ସେ ସଂସଦରେ ନିଜର ବୟାନ ରଖିବାକୁ ଚାହୁଁଛନ୍ତି, କିନ୍ତୁ ସରକାର ଏଥିପାଇଁ ଅନୁମତି ଦେବେ ନାହିଁ । ଯଦି ଦେଶରେ ଗଣତନ୍ତ୍ର ଅଛି, ତେବେ ଆସନ୍ତା କାଲି ତାଙ୍କୁ ନିଶ୍ଚୟ କହିବାକୁ ଦିଆଯିବ ।
Sambad is now on WhatsApp
Join and get latest news updates delivered to you via WhatsApp
ଆମ ସରକାର ଗୃହରେ ବିରୋଧୀଙ୍କ କୌଣସି ଚିନ୍ତାଧାରା ଉପରେ ଆଲୋଚନା କରିବାକୁ ଅନୁମତି ଦିଅନ୍ତି ନାହିଁ। ଅନେକ ଥର ଯେତେବେଳେ ମୁଁ ସଂସଦରେ ଭାଷଣ ଦେବା ପାଇଁ ଠିଆ ହେଲି, ମୋର ମାଇକ୍ ବନ୍ଦ କରିଦିଆଯାଇଥିଲା । ଏହା ସେହି ଭାରତ ନୁହେଁ ଯେଉଁଥିରେ ଆମେ ସମସ୍ତେ ଅଭ୍ୟସ୍ତ ଥିଲୁ ।
ଆଜି ମୁଁ ବାଚସ୍ପତିଙ୍କୁ କହିଥିଲି ଯେ ମୁଁ ସଂସଦରେ କହିବାକୁ ଚାହୁଁଛି। ସରକାରଙ୍କ ଚାରି ଜଣ ମନ୍ତ୍ରୀ ମୋ ଉପରେ ଅଭିଯୋଗ ଆଣିଛନ୍ତି, ତେଣୁ ମୋର ମଧ୍ୟ ସ୍ପଷ୍ଟୀକରଣ ଦେବାର ଅଧିକାର ଅଛି । ଆଜି ମୁଁ ପହଞ୍ଚିବାର ଗୋଟିଏ ମିନିଟ୍ ମଧ୍ୟରେ ସଂସଦ ମୁଲତବୀ ହୋଇଯାଇଥିଲା । ଆସନ୍ତାକାଲି ମୋତେ କହିବାକୁ ମିଳିବ ବୋଲି ଆଶା କରୁଛି ।
ପ୍ରଧାନମନ୍ତ୍ରୀ ଏବଂ ଆଦାନୀଜୀଙ୍କ ବିଷୟରେ ମୁଁ ଯାହା କହିଥିଲି ତାହା ସମ୍ପୂର୍ଣ୍ଣ ଭାବେ ପଦାରେ ପଡ଼ିଛି। ଏହା ହେଉଛି ସମ୍ପୂର୍ଣ୍ଣ ବିଭ୍ରାନ୍ତିକର ରଣକୌଶଳ । ମୋତେ ଯେ ସଂସଦରେ ଭାଷଣ ଦେବାକୁ ଅନୁମତି ଦିଆଯିବ, ତାହାକୁ ନେଇ ମୁଁ ସନ୍ଦିହାନ ଅଛି । ମୁଁ ଜଣେ ସାଂସଦ, ମୋର ପ୍ରଥମ ଦାୟିତ୍ୱ ସଂସଦରେ କହିବା ।