ଲିଫ୍ଟ ଦେଲେ ଦେବାକୁ ପଡିପାରେ ଜରିମାନା ଓ ଯାଇପାରନ୍ତି ଜେଲ
ନୂଆଦିଲ୍ଲୀ: ଯଦି ଆପଣ କୌଣସି ଅଜଣା ବ୍ୟକ୍ତିଙ୍କୁ ନିଜ ଗାଡ଼ିରେ ଲିଫ୍ଟ ଦେଉଛନ୍ତି ତେବେ ସାବଧାନ ହୋଇଯାଆନ୍ତୁ | କାରଣ ଆପଣଙ୍କର ଏହି ଗୋଟିଏ ଭୁଲ ଆପଣଙ୍କୁ ଅସୁବିଧାରେ ପକାଇପାରେ | ଆପଣ ଜରିମାନା ଦେବା ସହ ଆପଣଙ୍କୁ ଜେଲ ମଧ୍ୟ ହୋଇପାରେ | ମୋଟର ଭେଇକିଲ ଆକ୍ଟ ୧୯୮୮ର ଧାରା ୬୬ ଅନୁସାରେ କୌଣସି ଅଜଣା ବ୍ୟକ୍ତିଙ୍କୁ ଲିଫ୍ଟ ଦେବା ଆଇନ ବିରୁଦ୍ଧ |
Sambad is now on WhatsApp
Join and get latest news updates delivered to you via WhatsApp
ଯଦି ଆପଣ କୌଣସି ଅଜଣା ବ୍ୟକ୍ତିଙ୍କୁ ଲିଫ୍ଟ ଦିଅନ୍ତି ତେବେ ଆପଣ ବ୍ୟକ୍ତିଗତ ଗାଡିକୁ କମର୍ସିୟାଲ ବ୍ୟବହାର କରୁଥିବାର ଧରାଯିବ | ଏହା ଦ୍ୱାରା ଆପଣ ଜରିମାନା ଦେବା ସାଙ୍ଗକୁ ଜେଲ ଦଣ୍ଡ ମଧ୍ୟ ଭୋଗିପାରନ୍ତି | ଆପଣଙ୍କୁ ୨ ହଜାର ଟଙ୍କାରୁ ୫ ହଜାର ଟଙ୍କା ଯାଏଁ ଜରିମାନା ଦେବାକୁ ପଡିବ |
ଯଦି ପ୍ରଥମ ଥରର ଏହି ଭୁଲକୁ ଆପଣ ନ ସୁଧାରନ୍ତି ଓ ଦ୍ଵିତୀୟ ଥର ଧରାପଡନ୍ତି ତେବେ ୧୦ ହଜାର ଟଙ୍କାର ଜରିମାନା ସହ ୩ମାସ ରୁ ବର୍ଷେ ଯାଏଁ ଆପଣଙ୍କୁ ଜେଲ ଯିବାକୁ ପଡିପାରେ | କିନ୍ତୁ ଦୁର୍ଘଟଣାରେ କୌଣସି ଆହତ ବ୍ୟକ୍ତିଙ୍କୁ ଯଦି ଆପଣ ମେଡିକାଲ ନେଉଥାନ୍ତି ତେବେ ଏହି ଆଇନ ଅଧୀନରେ ତାହା ଆସିବା ନାହିଁ | ନିକଟରେ ମୁମ୍ବାଇର ଜଣେ ଯୁବକଙ୍କୁ ଧରାଯାଇ ଜରିମାନା ଆଦାୟ କରାଯାଇଛି |