ରାସ୍ତରେ ଦ୍ରୁତ ଗାଡିଚାଳନା କରୁଥିବା ଚାଳକଙ୍କୁ ସାବାଡ଼ କରିବାକୁ ଆଇଆଇଟି ଭୁବନେଶ୍ୱରର ଯୋଜନା
ଭୁବନେଶ୍ୱର: ‘ଦ୍ରୁତ ଗତି ମହାବିପତ୍ତି’ର ନାରା ସରକାର ଦେଉଥିବାବେଳେ ଲୋକ କିନ୍ତୁ ଶୁଣିବାକୁ ନାରାଜ | ଆପଣ ରାସ୍ତାରେ ଯାଉଥିବେବେଳେ ଏମିତି କିଛି ଚାଳକଙ୍କୁ ନିଶ୍ଚିତ ଦେଖୁଥିବେ, ଯେଉଁମାନେ ଦ୍ରୁତ ଗତିରେ ଗାଡି ଚଳାନ୍ତି | ଏମାନେ ନିଜ ଜୀବନକୁ ବିପଦରେ ପକାଇବା ସହ ଅନ୍ୟମାନଙ୍କ ଜୀବନକୁ ବି ବିପଦରେ ପକାନ୍ତି | ଏହି ସବୁ ଚାଳକମାନଙ୍କ ପାଇଁ ହମ୍ପସ ସହ ଟ୍ରାଫିକ ପୁଲିସ ଯାଞ୍ଚ କରୁଥିଲେ ବି କେତେକାଂଶରେ ଧରାପଡ଼ିନଥାନ୍ତି | ତେବେ ଦ୍ରୁତଗତିରେ ଗାଡି ଚଳାଉଥିବା ଚାଳକଙ୍କୁ ଧରିବା ପାଇଁ ଏବେ ଆଇଆଇଟି ଭୁବନେଶ୍ୱର(ଇଣ୍ଡିଆନ ଇନଷ୍ଟିଚ୍ୟୁଟ ଅଫ ଟେକ୍ନୋଲୋଜି)ର ଛାତ୍ରଛାତ୍ରୀମାନେ ଏକ ନିଆରା ସଫ୍ଟୱେୟାର ପ୍ରସ୍ତୁତ କରିଛନ୍ତି |
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ର ଶିକ୍ଷା ମନ୍ତ୍ରୀ ଡ଼. ରମେଶ ପୋଖରିଆଲ ନିସଙ୍କ ଭୁବନେଶ୍ୱର ଆଇଆଇଟି ଛାତ୍ରଛାତ୍ରୀଙ୍କ ଏହି ନୂଆ ସଫ୍ଟୱେୟାର ବାବଦରେ ଉଲ୍ଲେଖ କରିଛନ୍ତି | କେନ୍ଦ୍ର ଶିକ୍ଷା ମନ୍ତ୍ରୀଙ୍କ ଟ୍ୱିଟ ମୁତାବକ ଭୁବନେଶ୍ୱର ଆଇଆଇଟିର ଛାତ୍ରଛାତ୍ରୀମାନେ ଏକ ସଫ୍ଟୱେୟାର ବିକଶିତ କରିଛନ୍ତି ଯାହାକି ସରକାରଙ୍କୁ ସାହାଯ୍ୟ କରିବ | ଏହି ସଫ୍ଟୱେୟାର ରାସ୍ତାରେ ଦ୍ରୁତ ଗତିରେ ଗାଡି ଚଳାଉଥିବା ଚାଳକଙ୍କ ଉପରେ ନଜର ରଖିବାରେ ସାହାଯ୍ୟ କରିବ |
.@iitbbs has proposed to develop a software that can help the Govt. in detecting overspeeding vehicles on road. The state transport department has asked the school of electrical sciences at IIT Bhubaneswar to make a presentation of the project. pic.twitter.com/ucljb7XD8n
— Dr. Ramesh Pokhriyal Nishank (@DrRPNishank) February 3, 2021
ବର୍ତ୍ତମାନ ଏହି ସଫ୍ଟୱେୟାର ବାବଦରେ ବିସ୍ତୃତ ତଥ୍ୟ ଦେବାକୁ ରାଜ୍ୟ ପରିବହନ ବିଭାଗ ଆଇଆଇଟି ଭୁବନେଶ୍ୱରର ସ୍କୁଲ ଅଫ ଇଲେକ୍ଟ୍ରିକାଲ ସାଇନ୍ସର ଛାତ୍ରଛାତ୍ରୀଙ୍କୁ କହିଛି | ରାଡ଼ାର ଟେକ୍ନୋଲୋଜିରେ କାମ କରୁଥିବା ଏହି ସଫ୍ଟୱେୟାର ପାଇଁ ସମୁଦାୟ ୧୬ ଲକ୍ଷ ଟଙ୍କା ଖର୍ଚ୍ଚ ହେବ | ସବୁ ପ୍ରକାରର ପାଣିପାଗରେ ଏହି ବ୍ୟବସ୍ଥା କାର୍ଯ୍ୟକ୍ଷମ ହେବାକୁ ଥିବାବେଳେ ଦ୍ରୁତଗତିରେ ଯାଉଥିବା ଗାଡି ଉପରେ ନଜର ରଖିବ |