ଖାଦ୍ୟ ସାମଗ୍ରୀ, ବ୍ୟାଙ୍କ ନୋଟ୍, ବିତରଣ ପ୍ୟାକେଜକୁ ସାନିଟାଇଜ୍ କରିବା ପାଇଁ ଟ୍ରଙ୍କ ଆକାରର ଡିଭାଇସ୍ ତିଆରି କଲା ଆଇଆଇଟି

ନୂଆଦିଲ୍ଲୀ: ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (ଆଇଆଇଟି) ଅଲଟ୍ରାଭାଇଓଲେଟ୍ ଜର୍ମାଇସିଡାଲ୍ ବିକିରଣ ପ୍ରଯୁକ୍ତିବିଦ୍ୟା ସହିତ ଏକ ଟ୍ରଙ୍କ ଆକୃତିର ଉପକରଣ ବିକଶିତ କରିଛି, ଯାହାକୁ ସେମାନେ ପ୍ରବେଶ ପଥରେ ରଖିବାକୁ ପରାମର୍ଶ ଦେଇଛନ୍ତି | ପ୍ରବେଶ ପଥରେ ଏହାକୁ ରଖିବା ଦ୍ୱାରା ବାହାରୁ ଅଣାଯାଉଥିବା ଖାଦ୍ୟ ସାମଗ୍ରୀ, ମୁଦ୍ରା ନୋଟ୍ ସହିତ ବାହାରୁ ଆସୁଥିବା ଡେ଼ଲିଭରି ପ୍ୟାକେଟକୁ ଏହା ପରିଷ୍କାର କରିବ | ଏହି ମେସିନ ଆସିବା ଦ୍ୱାରା କରୋନାଭାଇରସ ସହ ଲଢେଇ ସହଜ ହେବ ବୋଲି ସେମାନେ ଆଶା ବ୍ୟକ୍ତ କରିଛନ୍ତି |

ଆଇଆଇଟି ରୋପରରେ ଥିବା ଟିମ୍ ଅନୁଯାୟୀ, ବଜାରକୁ ଏହି ଟ୍ରଙ୍କ ଆସିବା ପରେ ଅତିକମରେ ଲୋକ ଏହାକୁ ୫୦୦ରୁ କମ୍ ମୂଲ୍ୟରେ ପାଇଁ ପାରିବେ। ସମସ୍ତ ଜିନିଷଗୁଡିକ ପରିମଳ କରିବା ପାଇଁ ଏହି ଡିଭାଇସ୍ ୩୦ମିନିଟ୍ ସମୟ ନେବ ଏବଂ ଆଇଟମ୍ ବାହାର କରିବା ପୂର୍ବରୁ ଥଣ୍ଡା କରିବା ପାଇଁ ୧୦ମିନିଟର ସମୟ ଦେବା ପାଇଁ ପରାମର୍ଶ ଦିଆଯାଇଛି । କରୋନା ମହାମାରୀ ବିରୁଦ୍ଧରେ ଲଢେଇ କେବଳ ସାମାଜିକ ଦୂରତା ସହିତ ଏବଂ ବାହାରକୁ ନଯିବା ସହିତ ଶେଷ ହେବ ନାହିଁ । ଆଗାମୀ ଦିନ ଏବଂ ସପ୍ତାହରେ, ସବୁ ଜିନିଷ ପ୍ରତି ସତର୍କ ରହିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହେବ। ଆମେ ଏପରି ଏକ ଉପକରଣ ବିକଶିତ କରିଛୁ ଯାହା ଆମ ଘରେ ବ୍ୟବହାର ହେଉଥିବା ଟ୍ରଙ୍କ ପରି । ଆମେ ଏହାକୁ ଘରର ଦ୍ୱାରଦେଶରେ ରଖିବାକୁ ପରାମର୍ଶ ଦେଉଛୁ ବୋଲି ଆଇଆଇଟି ରୋପରର ଟିମ ପକ୍ଷରୁ କୁହାଯାଇଛି | |

ଆଇଆଇଟି ରୋପରର ବରିଷ୍ଠ ବୈଜ୍ଞାନିକ ଅଧିକାରୀ ନରେଶ ରାଧା କହିଛନ୍ତି, “ବର୍ତ୍ତମାନ ଅନେକ ଲୋକ ବ୍ୟବହାର କରିବା ପୂର୍ବରୁ ଉଷୁମ ପାଣିରେ ପନିପରିବା ଧୋଉଛନ୍ତି | କିନ୍ତୁ ମୁଦ୍ରା ନୋଟ୍ କିମ୍ବା ୱାଲେଟ୍ ସହିତ ଏପରି ହୋଇପାରିବ ନାହଁ | ତେଣୁ ଆମେ ପ୍ରତ୍ୟେକ ଜିନିଷ ପାଇଁ ଏକ ସାଧାରଣ ସାନିଟାଇଜିଂ ସମାଧାନ ପ୍ରସ୍ତୁତ କରିଛୁ। ଆଇଆଇଟି ରୋପର ପକ୍ଷରୁ ପରାମର୍ଶ ଦିଆଯାଇଛି ଯେ, ମୁଦ୍ରା ନୋଟ୍, ପନିପରିବା, ଦୁଗ୍ଧ ପ୍ୟାକେଟ୍, ଅର୍ଡର ହୋଇଥିବା କୌଣସି ଡେ଼ଲିଭରୀ ଆଇଟମ୍, ହାତ ଘଣ୍ଟା, ୱାଲେଟ୍, ମୋବାଇଲ୍ ଫୋନ୍ କିମ୍ବା କୌଣସି ଡକ୍ୟୁମେଣ୍ଟ୍ ବ୍ୟବହାର ହେବା ପୂର୍ବରୁ ଏହି ଟ୍ରଙ୍କରେ ରଖି ବ୍ୟବହାର କରନ୍ତୁ। ଏହି ଉପକରଣ ଜଳ ବିଶୋଧନକାରୀରେ ବ୍ୟବହୃତ ଅଲଟ୍ରାଭାଇଓଲେଟ୍ ଜର୍ମାଇସିଡାଲ୍ ବିକିରଣ ଟେକ୍ନୋଲୋଜି ଉପରେ ଆଧାରିତ। ଟ୍ରଙ୍କ ଭିତରେ ଥିବା ଆଲୋକକୁ ସିଧାସଳଖ ନ ଦେଖିବା ପାଇଁ ଆମେ ଦୃଢ ଭାବରେ ପରାମର୍ଶ ଦେଉଛୁ କାରଣ ଏହା କ୍ଷତିକାରକ ହୋଇପାରେ ବୋଲି ଶ୍ରୀ ରାଧା କହିଛନ୍ତି।

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ଅନୁଯାୟୀ, ନୋବେଲ କରୋନାଭାଇରସ୍ ଯୋଗୁଁ ମୃତ୍ୟୁ ସଂଖ୍ୟା ୧୯୯କୁ ବୃଦ୍ଧି ପାଇଛି ଏବଂ ଶୁକ୍ରବାର ଦିନ ଦେଶରେ ଆକ୍ରାନ୍ତଙ୍କ ସଂଖ୍ୟା ୬,୪୧୨କୁ ବୃଦ୍ଧି ପାଇଛି। ସକ୍ରିୟ କୋଭିଡ-୧୯ମାମଲା ସଂଖ୍ୟା ୫,୭୦୯ ଥିବାବେଳେ ପ୍ରାୟ ୫୦୩ ଜଣ ଲୋକ ଆରୋଗ୍ୟ ହୋଇ ଡିସଚାର୍ଜ ହୋଇଛନ୍ତି ଏବଂ ଜଣେ ସ୍ଥାନାନ୍ତର ହୋଇଥିବା ସୂଚନା ରହିଛି | ମନ୍ତ୍ରାଳୟ କହିଛି ଯେ ଗୁରୁବାର ସନ୍ଧ୍ୟା ଠାରୁ ଅତି କମରେ ୩୦ଟି ନୂଆ ମୃତ୍ୟୁ ଘଟିଛି।