କରୋନା ରୋଗୀଙ୍କ ପାଇଁ କମ ମୂଲ୍ୟରେ ଭେଣ୍ଟିଲେଟର ନିର୍ମାଣ କଲା ଆଇଆଇଟି ହାଇଦ୍ରାବାଦ

ହାଇଦ୍ରାବାଦ: ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (ଆଇଆଇଟି) ହାଇଦ୍ରାବାଦ ପୋର୍ଟେବଲ୍ ଭେଣ୍ଟିଲେଟର ନିର୍ମାଣ କରିବାର ସଫଳତା ହାସଲ କରିଛି | ଯାହା ଅତି ଶସ୍ତା ଏବଂ ଜରୁରୀକାଳୀନ ପରିସ୍ଥିତିରେ ବ୍ୟବହାର କରିବା ସହଜ ହେବ । ଆଇଆଇଟି ହାଇଦ୍ରାବାଦର ସ୍ୱାସ୍ଥ୍ୟସେବା ଉଦ୍ୟୋଗର ଷ୍ଟାର୍ଟଅପ୍ ଏରୋବିଓସିସ୍ ଇନୋଭେସନ୍ସ ଏହି ଭେଣ୍ଟିଲେଟରକୁ ଏହି ସମୟରେ ଡିଜାଇନ୍ କରିଛି ​​ଯେତେବେଳେ ଭାରତ ସମେତ ସମଗ୍ର ବିଶ୍ୱ କରୋନା ଭୂତାଣୁ ସହିତ ଲଢ଼ୁଛନ୍ତି । ଏହି ଭେଣ୍ଟିଲେଟରର ନାମ ‘ଜୀବନ ଲାଇଟ୍’ ଦିଆଯାଇଛି | ଏହି ଭେଣ୍ଟିଲେଟର ମୋବାଇଲ୍ ଆପ୍ ମାଧ୍ୟମରେ ପରିଚାଳିତ ହୋଇପାରିବ ଏବଂ ସହଜରେ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ସ୍ଥାନାନ୍ତରିତ ହୋଇପାରିବ |

Photo-The week

କେବଳ ଏତିକି ନୁହେଁ, ଯଦି କେବେ ବିଦ୍ୟୁତ୍ ଯୋଗାଣ ବାଧାପ୍ରାପ୍ତ ହୁଏ କିମ୍ବା କିଛି ଅଞ୍ଚଳରେ ବିଦ୍ୟୁତ୍ ସମସ୍ୟା ଦେଖାଦିଏ, ତେବେ ଏହା ବ୍ୟାଟେରୀରୁ ଚଲାଯାଇପାରିବ। ଜୀବନ ଲାଇଟ୍ ର ଅଗ୍ରଗତି ସମୀକ୍ଷା କରିବା ପରେ ଆଇଆଇଟି ହାଇଦ୍ରାବାଦର ନିର୍ଦ୍ଦେଶକ ପ୍ରଫେସର ବିଏସ ମୁର୍ତି କହିଛନ୍ତି ଯେ କରୋନା ଭୂତାଣୁ ସଂକ୍ରମିତ ଅଧିକାଂଶ ରୋଗୀ ବୃଦ୍ଧାବସ୍ଥାରେ ଜରୁରୀକାଳୀନ ଜୀବନ ସହାୟତା ଆବଶ୍ୟକ କରନ୍ତି। ତେବେ ସମସ୍ତ ବୟସର ଲୋକମାନେ ଯେଉଁମାନଙ୍କୁ ଅମ୍ଳଜାନର ଅଭାବ ଦେଖାଯିବ, ସେତେବେଳେ ଏହାକୁ ବ୍ୟବହାର କରାଯାଇପାରିବ |

ଏଠାରେ ସୂଚନା ଥାଉ କି କରୋନା ଭୂତାଣୁରେ ପୀଡିତ ରୋଗୀମାନେ ନିଶ୍ୱାସ ନେବାରେ ଅସୁବିଧାର ସମ୍ମୁଖୀନ ହୁଅନ୍ତି। କରୋନା ସଂକ୍ରମଣ ବୃଦ୍ଧି ହେତୁ ଦେଶରେ ଭେଣ୍ଟିଲେଟରର ଚାହିଦା ବୃଦ୍ଧି ପାଇଛି। ରୋଗୀଙ୍କ ସଂଖ୍ୟାକୁ ଦୃଷ୍ଟିରେ ରଖି ଦେଶରେ ଭେଣ୍ଟିଲେଟରର ଅଭାବ ଦେଖାଦେଇଛି। ଏପରି ପରିସ୍ଥିତିରେ, ଭେଣ୍ଟିଲେଟରର ଅଭାବ ଦୂର କରିବା ଏବଂ କରୋନା ସହିତ ଲଢ଼ିବାରେ ‘ଜୀବନ ଲାଇଟ୍’ ସହାୟକ ହେବ |

ସମ୍ବନ୍ଧିତ ଖବର