କରୋନା ମହାମାରୀ ଯୋଗୁଁ ବିଶ୍ୱରେ ପ୍ରତି ୬ ଜଣରୁ ଜଣେ ଯୁବକ ନିଯୁକ୍ତି ହରାଇଛନ୍ତି : ଅନ୍ତର୍ଜାତୀୟ ଶ୍ରମ ସଂଗଠନ
ନୂଆଦିଲ୍ଲୀ : ସାରା ବିଶ୍ୱରେ ବ୍ୟାପିଥିବା କରୋନା ଭାଇରସ ମହାମାରୀର ଗୁରୁତର ପ୍ରଭାବ ଅର୍ଥନୀତି ଉପରେ ପଡ଼ିଛି । ଏହାଫଳରେ ସାରା ବିଶ୍ୱରେ କୋଟି କୋଟି ଲୋକ ନିଯୁକ୍ତି ହରାଇଛନ୍ତି । ଅନ୍ତର୍ଜାତୀୟ ଶ୍ରମ ସଂଗଠନର ଏକ ରିପୋର୍ଟ ଅନୁସାରେ ବିଶ୍ୱରେ ପ୍ରତି ୬ ଜଣ ଯୁବବ୍ୟକ୍ତିଙ୍କ ମଧ୍ୟରୁ ଜଣେ ନିଯୁକ୍ତି ହରାଇଛନ୍ତି । ଏପର୍ଯ୍ୟନ୍ତ ବିଶ୍ୱରେ ପ୍ରାୟ ୧୩ କୋଟି ଯୁବକ ଯୁବତୀ ନିଯୁକ୍ତି ହରାଇଛନ୍ତି । ଏହି ରିପୋର୍ଟରେ କୁହାଯାଇଛି ଯେ କରୋନା ମହାମାରୀର ସବୁଠାରୁ ବଡ଼ ପ୍ରଭାବ ନିଯୁକ୍ତି କ୍ଷେତ୍ର ଉପରେ ପଡ଼ିଛି । ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଛନ୍ତି ମହିଳାମାନେ ।
Sambad is now on WhatsApp
Join and get latest news updates delivered to you via WhatsApp
ଆଇଏଲଓ ମହାନିର୍ଦ୍ଦେଶକ ଜଏ ରାଇଡର କହିଛନ୍ତି ଯେ ବିଶ୍ୱର ଯୁବସମାଜର ଦକ୍ଷତାର ଉପଯୁକ୍ତ ଉପଯୋଗ ନହେଲେ ସ୍ଥିତି ଗମ୍ଭୀର ହେବ । ଏଣୁ ଆମକୁ ସେମାନଙ୍କୁ କର୍ମକ୍ଷେତ୍ରକୁ ଫେରାଇ ଆଣିବାକୁ ହେବ । କରୋନା ଯୋଗୁଁ ଯୁବସମ୍ବଳର ୩ ପ୍ରକାରର କ୍ଷତି ହେଉଛି । ଗୋଟିଏ ପଟେ ସେମାନେ ନିଯୁକ୍ତି ହରାଉଛନ୍ତି, ଅନ୍ୟପଟେ ସେମାନଙ୍କ ଶିକ୍ଷା ଓ ତାଲିମ ପ୍ରଭାବିତ ହୋଇଛି ଓ ୩ୟରେ ଯେଉଁମାନେ ଶ୍ରମବଜାରରେ ପ୍ରବେଶ କରିବାକୁ ଚାହୁଁଛନ୍ତି ସେମାନଙ୍କ ଆଗରେ ପ୍ରତିବନ୍ଧକ ଛିଡ଼ାହୋଇଛିି । ଏଣୁ ସମଗ୍ର ବିଶ୍ୱ ଏକାଠି ଏହି ସମସ୍ୟାରେ ସମାଧାନ ଲାଗି ନୀତି ପ୍ରଣୟନ କରିବା ସହ ସମୟୋଚିତ ପଦକ୍ଷେପ ନେବା ଆବଶ୍ୟକ ବୋଲି ସେ କହିଛନ୍ତି ।