‘ମୁଁ ଜ୍ୟୋତିଷ ନୁହେଁ ଯେ ଆଗୁଆ କହିପାରିବି’ : ବିରୋଧୀ ମେଣ୍ଟର ନେତୃତ୍ବ ନେବା ପ୍ରସଙ୍ଗରେ ମମତାଙ୍କ ଉତ୍ତର
ନୂଆଦିଲ୍ଲୀ : ପେଗାସସ୍ ପ୍ରସଙ୍ଗରେ ବିରୋଧୀ ଦଳମାନଙ୍କ ଦ୍ବାରା ଡକାଯାଇଥିବା ବୈଠକରେ ଆଜି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ ନେତା ମମତା ବାନାର୍ଜୀ ଅନୁପସ୍ଥିତ ଥିଲେ । ତେବେ ପରେ ଏକ ସାମ୍ବାଦିକ ସମ୍ମିଳନୀରେ ସେ କହିଥିଲେ ଯେ ଏହି ପ୍ରସଙ୍ଗରେ କରାଯାଉଥିବା ସବୁ ଆନ୍ଦୋଳନ ସପକ୍ଷରେ ସେ ଅଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ ସବୁ ରାଜନୈତିକ ଦଳ ଏକାଠି ବସି (ସରକାରଙ୍କ ବିରୋଧରେ ଲଢେଇ ପାଇଁ) କିଛି ନିଷ୍ପତ୍ତି ନେବା ଆବଶ୍ୟକ । ତେବେ ସେ ବିରୋଧୀ ମେଣ୍ଟର ନେତୃତ୍ବ କରିବେ କି ବୋଲି ସାମ୍ବାଦିକମାନେ ପ୍ରଶ୍ନ କରିବାରୁ ସେ କହିଥିଲେ, ସେ ଜ୍ୟୋତିଷ ନୁହଁନ୍ତି ଯେ ଏକଥା ଆଗୁଆ କହିପାରିବେ । ସେ କେବଳ ଜଣେ ସାଧାରଣ କର୍ମୀ ଓ କର୍ମୀ ଭାବରେ ହିଁ କାମ କରିବାକୁ ଚାହାନ୍ତି ।
ସେ ଆହୁରି ମଧ୍ୟ କହିଛନ୍ତି ଯେ ସଂସଦର ଅଧି୍ବେଶନ ପରେ ସେ ବିଭିନ୍ନ ଦଳର ନେତାମାନଙ୍କୁ ଭେଟିବେ । ସେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧି ଓ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲଙ୍କୁ ଭେଟିବେ । ଗତକାଲି ଲାଲୁ ପ୍ରସାଦ ଯାଦବଙ୍କ ସହ କଥା ହୋଇଥିବା ମମତା କହିଛନ୍ତି ।