ଲାହୋର : ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍ ଖାଁ ବୁଧବାର ଅଭିଯୋଗ କରିଛନ୍ତି ଯେ ସରକାରଙ୍କ ଚାପ ଯୋଗୁଁ ତାଙ୍କ ଦଳର ନେତାମାନେ ଦଳ ଛାଡ଼ୁଛନ୍ତି । ଏହା ସହ ସେ ସରକାରଙ୍କୁ ଚେତାବନୀ ଦେଇ କହିଛନ୍ତି ଯେ ଦିନେ ସମୟର ଚକ ବଦଳିଯିବ ଏବଂ ସମସ୍ତ ନେତା ଦଳ ଛାଡିଲେ ମଧ୍ୟ ସେ ଯାହାକୁ ଟିକେଟ ଦେବେ ସେ ଜିତିବେ ।
Sambad is now on WhatsApp
Join and get latest news updates delivered to you via WhatsApp
ଇମ୍ରାନ ଖାଁ ବୁଧବାର ସନ୍ଧ୍ୟାରେ ଦେଶବାସୀଙ୍କୁ ସମ୍ବୋଧିତ କରି ଏକ ଭିଡିଓ ବାର୍ତ୍ତା ଜାରି କରିଛନ୍ତି। ସୋସିଆଲ ମିଡିଆକୁ ନିୟନ୍ତ୍ରଣ କରିବା ପାଇଁ ମୋ ଘରେ ଇଣ୍ଟରନେଟ୍ ବନ୍ଦ କରାଯାଇଛି । ଏହା ସତ୍ତ୍ବେ ମୁଁ ଆପଣମାନଙ୍କ ସହ କଥା ବାର୍ତ୍ତା ଜାରି ରଖିବାକୁ ଚେଷ୍ଟା କରିବି ।
ମେ ୯ରେ ଇମ୍ରାନଙ୍କୁ ଗିରଫ କରାଯିବା ପରେ ସାରା ଦେଶରେ ହିଂସାକାଣ୍ଡ ହୋଇଥିଲା । ଏହା ପରେ ପିଟିଆଇ ନେତାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ କରାଯାଉଛି ବୋଲି ଉଲ୍ଲେଖ କରି ଇମ୍ରାନ କହିଛନ୍ତି, “ଏହା ଏକ ଦମନ ଯାହା ପାକିସ୍ତାନରେ ପୂର୍ବରୁ କେବେ ହୋଇନଥିଲା । ତାଙ୍କ ଦଳର ନେତା ଓ କର୍ମୀଙ୍କୁ ଅତ୍ୟାଚାର ଓ ଗିରଫ କରାଯାଉଛି ବୋଲି ସେ ଅଭିଯୋଗ କରିଛନ୍ତି । ସେ କହିଛନ୍ତି ଏହି ନେତାମାନଙ୍କୁ କୁହାଯାଉଛି ଯେ ଯେପର୍ଯ୍ୟନ୍ତ ସେମାନେ ପିଟିଆଇରେ ଅଛନ୍ତି ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ। ପିଟିଆଇ ଛାଡିବା ପରେ ସେମାନଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ହେବ ନାହିଁ ।