ପାକ୍ ପ୍ରଧାନମନ୍ତ୍ରୀଙ୍କ ବିମାନରେ ବୈଷୟିକ ତ୍ରୁଟି: ଅଧା ଉଡ଼ାଣରୁ ନ୍ୟୁୟର୍କ ଫେରିଲା
ନୂଆଦିଲ୍ଲୀ: ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ନେଇ ଇସ୍ଲାମବାଦ୍ ଫେରୁଥିବା ବିମାନରେ ବୈଷୟିକ ତ୍ରୁଟି ଦେଖାଯିବାରୁ ନ୍ୟୁୟର୍କରେ ବିମାନଟି ଜରୁରୀକାଳୀନ ଅବତରଣ କରିଛି।
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନ ଟିଭି ଚ୍ୟାନେଲ୍ ଜିଓ ଟିଭି ପକ୍ଷରୁ ପ୍ରକାାିତ ରିପୋର୍ଟ ଅନୁସାରେ ଶନିବାର ଇମ୍ରାନ ଖାନ ଓ ପାକିସ୍ତାନର ପ୍ରତିନିଧିଙ୍କୁ ନେଇ ଇସ୍ଲାମବାଦ୍ ଫେରୁଥିବା ବିମାନରେ ମଝି ଆକାଶରେ ବୈଷୟିକ ତ୍ରୁଟି ଦେଖା ଦେଇଥିଲା। ଫଳରେ ଏହା ନ୍ୟୁୟର୍କକୁ ଫେରି ଆସିଥିଲା।
ଏଥିପାଇଁ ଇମ୍ରାନ ଖାନଙ୍କୁ ନ୍ୟିୟର୍କରେ ରାତ୍ରୀଯାପନ କରିବାକୁ ପଡ଼ିବ ଓ ବିମାନର ତ୍ରୁଟି ସଜଡ଼ା ଯିବା ପରେ ସେ ଇସ୍ଲାମବାଦ୍ ଫେରିବେ।
ଉଲ୍ଲେଖଯୋଗ୍ୟ କି ଜାତିସଂଘର ସାଧାରଣ ପରିଷଦ ଅଧିବେଶନରେ ଯୋଗ ଦେବା ଲାଗି ଆମେରିକା ଯାଇଥିବା ପାକ୍ ପ୍ରଧାନମନ୍ତ୍ରୀ ଇମ୍ରାନ ଖାନ ପ୍ରାୟ ୧ ସପ୍ତାହ ପରେ ସ୍ୱଦେଶ ଫେରୁଥିଲେ।