ରାହୁଲଙ୍କୁ ଶାହଙ୍କ ଚ୍ୟାଲେଞ୍ଜ: ସିଏଏ କିଭଳି ନାଗରିକତା ଛଡ଼ାଇ ନେଉଛି ପ୍ରମାଣ କର

ସିମ୍‌ଲା: ନାଗରିକତା ସଂଶୋଧନ ଆଇନକୁ ନେଇ ଆଜି ଗୃହମନ୍ତ୍ରୀ ଅମିତ ଶାହ କଂଗ୍ରେସକୁ ଚ୍ୟାଲେଂଜ କରିଛନ୍ତି। କଂଗ୍ରେସ ନେତା ରାହୁଲ ଗାନ୍ଧି ସିଏଏ ଦ୍ବାରା ଲୋକେ ନାଗରିକତା ହରାଇବେ ବୋଲି ବାରମ୍ବାର ବୟାନ ଦେଉଥିବାରୁ ଆଜି ଶାହ ତାଙ୍କୁ ଚ୍ୟାଲେଂଜ କରି କହିଛନ୍ତି ଯେ ରାହୁଲ ଗାନ୍ଧି ଏହା ପ୍ରମାଣ କରିବା ଆବଶ୍ୟକ। ନାଗରିକତା ସଂଶୋଧନ ଆଇନରେ ଏଭଳି କୌଣସି ପ୍ରାବଧାନ ନଥିଲେ ମଧ୍ୟ ଦେଶରେ ବିଭ୍ରାନ୍ତି, ଉତ୍ତେଜନା ଏବଂ ହିଂସା ସୃଷ୍ଟି ପାଇଁ ରାହୁଲ ଗାନ୍ଧି ଏଭଳି ବୟାନ ଦେଉଛନ୍ତି ବୋଲି ଶାହ କହିଛନ୍ତି। ଦେଶବାସୀ ଏଭଳି ବିଭ୍ରାନ୍ତିକୁ ନେଇ ସତର୍କ ରହିବା ଆବଶ୍ୟକ ବୋଲି ଶାହ କହିଛନ୍ତି।