ନୂଆଦିଲ୍ଲୀ : ବର୍ତ୍ତମାନ ଦିଆଯ଼ାଉଥିବା ଟିକାଗୁଡ଼ିକ ସବୁ ପ୍ରକାରର କରୋନା ଭୁତାଣୁ ପ୍ରକାର (ଭାରିଆଣ୍ଟ) ପାଇଁ ପ୍ରଭାବଶାଳୀ । କିନ୍ତୁ ଆଗକୁ କେତେକ ନୂଆ ପ୍ରକାରର ଭୁତାଣୁ ସୃଷ୍ଟି ହେବ, ଯ଼େଉଁଗୁଡ଼ିକ କି ଶରୀରର ରୋଗ ପ୍ରତିରୋଧକ ଶକ୍ତିକୁ ଲୋପ କରି ଗୁରୁତର ରୋଗ ସୃଷ୍ଟି କରିପାରିବ । ଏପରି ଭୁତାଣୁର ମୁକାବିଲା ଲାଗି ବୈଜ୍ଞାନିକମାନେ ଗବେଷଣା ଜାରି ରଖିଛନ୍ତି ବୋଲି କେନ୍ଦ୍ର ସରକାରଙ୍କ ପ୍ରମୁଖ ବୈଜ୍ଞାନିକ ପରାମର୍ଶଦାତା କେ.ବିଜୟ ରାଘବନ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ନୂଆ ପ୍ରକାରର ଭୁତାଣୁ ମଧ୍ୟ ମନୁଷ୍ୟରୁ ମନୁଷ୍ୟକୁ ହିଁ ସଂକ୍ରମିତ ହୋଇଥାଏ । ଏହା ବାୟୁ କିମ୍ବା ଅନ୍ୟ କୌଣସି ମାଧ୍ୟମରେ ସଂକ୍ରମିତ ହେବାର ପ୍ରମାଣ ନାହିଁ । ଭାରତରେ ଓ ସମଗ୍ର ବିଶ୍ବରେ କେତେକ ନୂଆ ପ୍ରକାରର ଭୁତାଣୁ ସୃଷ୍ଟି ହୋଇଛି, କିନ୍ତୁ ସେଗୁଡ଼ିକ ଦ୍ରୁତ ସଂକ୍ରମଣ ଯ଼ୋଗ୍ୟ ହେବାର ସମ୍ଭାବନା କମ । ତେବେ ଆଗକୁ କେତେକ ନୂଆ ପ୍ରକାରର ଭୁତାଣୁ ସୃଷ୍ଟି ହେବ, ଯ଼େଉଁଗୁଡ଼ିକ କି ରୋଗପ୍ରତିରୋଧକ ଶକ୍ତିକୁ ପରାଜିତ କରିପାରିବ କିମ୍ବା ଶରୀରରେ ଆହୁରି ଗୁରୁତର ରୋଗ ସୃଷ୍ଟି କରିବ ବୋଲି ରାଘବନ କହିଛନ୍ତି ।
ଭାରତ ସମେତ ସମଗ୍ର ବିଶ୍ବର ବୈଜ୍ଞାନିକମାନେ ଏପରି ଭୁତାଣୁ ପ୍ରକାରକୁ ଆଗୁଆ ଚିହ୍ନଟ, ସତର୍କତା ପାଇଁ ଓ ସେଗୁଡ଼ିକର ମୁକାବିଲା ପାଇଁ ସଘନ ଗବେଷଣା ଜାରି ରଖିଛନ୍ତି ବୋଲି ସେ କହିଛନ୍ତି ।