କେରଳରେ ଶୀର୍ଷ ରାଜନେତାଙ୍କ ପତ୍ନୀଙ୍କ ସମ୍ପତ୍ତିରେ ଅହେତୁକ ବୃଦ୍ଧି
ଥିରୁଅନନ୍ତପୁରମ୍ : କେରଳରେ କିଛି ଶୀର୍ଷ ରାଜନେତାଙ୍କ ରୋଜଗାର ଗତ ୫ ବର୍ଷରେ କମିଯାଇଛି। କିନ୍ତୁ ସେମାନଙ୍କ ପତ୍ନୀଙ୍କ ସମ୍ପତ୍ତିରେ ଆଶାତୀତ ବୃଦ୍ଧି ଘଟିଛି। ସିପିଏମ୍ ଟିକେଟ୍ରେ ନିର୍ବାଚନ ଲଢ଼ୁଥିବା ପିଏ ମହମ୍ମଦ ରିୟାସ୍ଙ୍କ ପରି କେତେକ ପ୍ରାର୍ଥୀ ଗତ ୫ ବର୍ଷ ଧରି ଆୟ କର ଦେଇନାହାନ୍ତି। ସେମାନଙ୍କ ରୋଜଗାର ବହୁତ୍ କମିଯାଇଛି। ବେପୁର୍ରୁ ନିର୍ବାଚନ ଲଢ଼ୁଥିବା ରିୟାସ୍ଙ୍କ ପତ୍ନୀ ତଥା କେରଳ ମୁଖ୍ୟମନ୍ତ୍ରୀ ପିନାରାୟୀ ବିଜୟନଙ୍କ ଝିଅ ବୀଣା ଟି’ଙ୍କ ରୋଜଗାର ଏହି ସମୟ ମଧ୍ୟରେ ୩ ଗୁଣା ବୃଦ୍ଧି ହୋଇଛି। ସେହିପରି ବରିଷ୍ଠ କଂଗ୍ରେସ ନେତା କେ ମୁରଲିଧରନ୍ଙ୍କ ପତ୍ନୀ ଏସ୍ ଜ୍ୟୋତିଙ୍କ ରୋଜଗାର ୨୦୧୫-୧୬ରେ ୧୨.୭୮ ଲକ୍ଷ ଥିଲା କିନ୍ତୁ ୨୦୧୯-୨୦ରେ ତାଙ୍କ ରୋଜଗାର ୫.୩୯ କୋଟିକୁ ବୃଦ୍ଧି ପାଇଛି।
Sambad is now on WhatsApp
Join and get latest news updates delivered to you via WhatsApp
କର ରିଟର୍ଣ୍ଣ ବିବରଣୀ ଅନୁଯାୟୀ ବୀଣା ଟି’ଙ୍କ ରୋଜଗାର ୨୦୧୬-୧୭ରେ ୮.୨୫ ଲକ୍ଷ ଥିଲା। କିନ୍ତୁ ୨୦୨୦-୨୧ରେ ତାଙ୍କ ରୋଜଗାର ୨୯.୯ ଲକ୍ଷକୁ ବୃଦ୍ଧି ପାଇଛି। ତାଙ୍କ ଆୟରେ ୨୬୨ ପ୍ରତିଶତ ବୃଦ୍ଧି ହୋଇଛି। ୨୦୧୭-୧୮ରେ ତାଙ୍କ ରୋଜଗାର ୧୦.୪ ଲକ୍ଷ ଥିଲା ଯାହା ୨୦୧୮-୧୯ରେ ୨୯.୬୮ଲକ୍ଷକୁ ବୃଦ୍ଧି ପାଇଥିବା ବେଳେ ୨୦୧୮-୧୯ରେ ଏହା ୩୦.୭୨ ଲକ୍ଷକୁ ବୃଦ୍ଧି ପାଇଲା। ଅନ୍ୟଜଣେ ଶୀର୍ଷ ନେତା କେ ମୂରଲୀଧରନ୍ଙ୍କ ପତ୍ନୀ ଏସ୍ ଜ୍ୟୋତିଙ୍କ ରୋଜଗାର ୨୦୧୮-୧୯ରେ ୨୪.୫ ଲକ୍ଷ ଥିବା ବେଳେ ୨୦୧୯-୨୦ରେ ୫.୩୯ କୋଟିକୁ ବଢ଼ିଛି। ବିରୋଧୀ ଦଳ ନେତା ରମେଶ ଚେନ୍ନିଥାଲାଙ୍କ ରୋଜଗାର ଗତ ୫ ବର୍ଷ ମଧ୍ୟରେ ୩୨ ପ୍ରତିଶତ କମିଥିବା ବେଳେ ତାଙ୍କ ପତ୍ନୀଙ୍କ ଆୟରେ ୯.୪୨ ଲକ୍ଷ ଟଙ୍କା ବଢ଼ିଛି।