ମଧ୍ୟପ୍ରଦେଶରେ ତୃତୀୟ ଲହର ଆରମ୍ଭ ଆଶଙ୍କା
ଭୋପାଳ: ନାଗପୁରରେ କରୋନାର ତୃତୀୟ ଲହର ପହଞ୍ଚି ସାରିଛି ବୋଲି କିଛିଦିନ ତଳେ ମହାରାଷ୍ଟ୍ରର ମନ୍ତ୍ରୀ ନୀତିନ ରାଉତ ଦାବି କରିଥିଲେ। ଏଭଳି ସ୍ଥିତିରେ ତୃତୀୟ ଲହର ମଧ୍ୟପ୍ରଦେଶରେ ପହଞ୍ଚିଯିବା ସ୍ଥିତିରେ ରହିଛି ବୋଲି ବିଶେଷଜ୍ଞମାନେ ସତର୍କ କରାଇ ଦେଇଛନ୍ତି। ଏହାର କାରଣ ହେଲା ଚଳିତମାସ ବର୍ତ୍ତମାନ ସୁଦ୍ଧା ମଧ୍ୟପ୍ରଦେଶରେ ସକ୍ରିୟ ମାମଲାରେ ୩୮ ପ୍ରତିଶତରୁ ଅଧିକ ବୃଦ୍ଧି ଦେଖାଦେଇଛି।
Sambad is now on WhatsApp
Join and get latest news updates delivered to you via WhatsApp
ରିପୋର୍ଟ ଅନୁଯାୟୀ, ଜବଲପୁର ଜିଲ୍ଲାରେ ମଧ୍ୟପ୍ରଦେଶର ମୋଟ ସକ୍ରିୟ ମାମଲାର ୩୩ ପ୍ରତିଶତ ରହିଛନ୍ତି। ଗତ ୧୧ ଦିନ ମଧ୍ୟରେ ଏଠାରେ କରୋନା ସଂକ୍ରମଣରେ ବଡ଼ ଧରଣର ବୃଦ୍ଧି ଘଟିଛି। ୧୦୦ ପ୍ରତିଶତ ଟିକାକରଣ ନହେବା ପର୍ଯ୍ୟନ୍ତ ଆଉ ଏକ ଲହର ଆସିବାର ଭୟ ରହିଛି ବୋଲି ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନ-ଭୋପାଳର ନିର୍ଦ୍ଦେଶକ ଡାକ୍ତର ସରମାନ ସିଂହ କହିଛନ୍ତି। ବର୍ତ୍ତମାନ ସଂକ୍ରମଣରେ ଦେଖାଦେଇଥିବା ବୃଦ୍ଧି ତୃତୀୟ ଲହରର କାରଣ ପାଲଟି ପାରେ। ତେବେ ନୂଆ ଭାରିଆଣ୍ଟ ନଆସିଲେ ଏହା ସେତେଟା ଗୁରୁତର ପରିସ୍ଥିତି ସୃଷ୍ଟି କରିବ ନାହିଁ। ତେବେ ଲୋକମାନେ ଆଦୌଁ ଆତ୍ମସନ୍ତୁଷ୍ଟର ଭାବନା ନଆଣିବା ଆବଶ୍ୟକ। କରୋନାରୁ ରକ୍ଷା ପାଇବା ପାଇଁ ଫେସ ମାସ୍କ ପିନ୍ଧିବା ଏବଂ ସାମାଜିକ ଦୂରତା ଅବଲମ୍ବନ କରିବା ପାଇଁ ସେ ପରାମର୍ଶ ଦେଇଛନ୍ତି।