ଆଫଗାନିସ୍ତାନ ଶୀତରେ ୨ ଲକ୍ଷ ଗାଈଗୋରୁ ମୃତ
କାବୁଲ: ଆଫଗାନିସ୍ତାନରେ ଭୟଙ୍କର ଶୀତଲହରି ଅବ୍ୟାହତ ରହିଥିବା ବେଳେ ଗତ ଦୁଇ ସପ୍ତାହ ଭିତରେ ଅନେକ ଲୋକଙ୍କ ସହ ପ୍ରାୟ ୨ ଲକ୍ଷ ଗୋମହିଷାଦି ପଶୁଙ୍କର ମୃତ୍ୟୁ ଘଟିଛି। ଅଧିକାଂଶ ମୃତ ଗୋରୁ ହେଉଛନ୍ତି ଉତ୍ତରାଞ୍ଚଳର ବଲ୍ଖ, ଜଜାନ ଓ ପଞ୍ଜଶିର ପ୍ରଦେଶର ବୋଲି ତାଲିବାନ ସରକାରଙ୍କ କୃଷି ଓ ପଶୁପାଳନ ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି।
Sambad is now on WhatsApp
Join and get latest news updates delivered to you via WhatsApp
ମନ୍ତ୍ରଣାଳୟର ମୁଖପାତ୍ର ମୁବାହୁଦ୍ଦିନ ଦେଇଥିବା ସୂଚନା ଅନୁସାରେ, ୨୦ଟି ପ୍ରଦେଶର ୨୬୦,୦୦୦ ଗୃହପାଳିତ ପଶୁଙ୍କ ମୃତ୍ୟୁ ହୋଇଥିବା ବେଳେ ସେମାନଙ୍କ ମଧ୍ୟରେ ଅଛନ୍ତି ୧୨୯,୦୦ ମେଣ୍ଢା ଓ ଛେଳି। ପ୍ରବଳ ଶୀତ ସହ ତୃଣଭୋଜି ପ୍ରାଣୀମାନଙ୍କୁ ଖାଇବାକୁ ଘାସ ନ ମିଳିବା ଏହି ମୃତ୍ୟୁର କାରଣ ବୋଲି କୁହାଯାଉଛି। ସପ୍ତାହକ ଭିତରେ ପ୍ରାୟ ୨୦୦ ଲୋକଙ୍କର ମଧ୍ୟ ମୃତ୍ୟୁ ଘଟିଛି।