ବିମାନ ଭିତରେ ହାତାହାତି: ଅଷ୍ଟ୍ରେଲିଆରେ ବିମାନର ଜରୁରୀ ଅବତରଣ, ୪ ଯାତ୍ରୀ ଗିରଫ

କାନବେରା: ଅଷ୍ଟ୍ରେଲିଆ କ୍ବିନ୍ସଲାଣ୍ଡର କେର୍ନସରୁ ଉତ୍ତରାଞ୍ଚଳର ଗ୍ରୁଟ ଇଲାଣ୍ଟକୁ ଗୁରୁବାର ଏକ ବିମାନ ଯାଉଥିବା ବେଳେ ଏହା ଭିତରେ ୪ ଜଣ ଯାତ୍ରୀ ଗଣ୍ଡଗୋଳ କରିଥିଲେ। ଏହାକୁ ନେଇ ବିମାନକୁ ମୂଳ ସ୍ଥାନକୁ ଫେରି ଜରୁରୀ ଅବତରଣ କରିବାକୁ ପଡ଼ିଥିଲା।

ଅଷ୍ଟ୍ରେଲୀୟ ଫେଡ଼େରାଲ ପୁଲିସ ପକ୍ଷରୁ ଉକ୍ତ ଚାରିଜଣ ଯାତ୍ରୀଙ୍କୁ ଗିରଫ କରାଯାଇଛି। ଏପ୍ରିଲ ୨୦ ତାରିଖରେ ଏହି ଘଟଣା ଘଟିଥିବା ବେଳେ ମାଡ଼ଗୋଳର ଭିଡିଓ ଭାଇରାଲ ହୋଇଛି। ଜଣେ ଯାତ୍ରୀ ଅନ୍ୟ ଜଣଙ୍କ ମୁଣ୍ଡ ଉପରେ ଏକ ବୋତଲ ପିଟିବାକୁ ଧରିଥିବା ଭିଡ଼ିଓରେ ଦେଖିବାକୁ ମିଳୁଛି। ଯାତ୍ରୀମାନେ ମାଡ଼ଗୋଳ କରି ବିମାନର ଗୋଟିଏ ଝରକା ଭାଙ୍ଗିଦେଇଥିଲେ। ଏହାପରେ ବିମାନକୁ ପୁଣି ବାହାରିବା ସ୍ଥାନକୁ ଫେରିବାକୁ ପଡ଼ିଥିଲା।