ଓ୍ବାସିଂଟନ : ଜଣେ ଭାରତୀୟ ବଂଶୋଦ୍ଭବ ବ୍ୟକ୍ତି ବିଶ୍ବର ସବୁଠାରୁ ଶକ୍ତିଶାଳୀ ଗୁଇନ୍ଦା ଏଜେନ୍ସି ସିଆଇଏର ପ୍ରଥମ ମୁଖ୍ୟ ପ୍ରଯୁକ୍ତି ଅଧିକାରୀ ନିଯୁକ୍ତ ହୋଇଛନ୍ତି । ସେ ହେଉଛନ୍ତି ନନ୍ଦ ମୁଲଚନ୍ଦାନି । ଏ ସମ୍ପର୍କରେ ସିଆଇଏର ନିର୍ଦ୍ଦେଶକ ଓ୍ବିଲିୟମ ବର୍ନସ ଘୋଷଣା କରିଛନ୍ତି । ଏ ସଂପର୍କରେ ସିଆଇଏର ଅଫିସିଆଲ ଟ୍ବିଟର ହାଣ୍ଡଲରେ ବି ଏକ ଟୁଇଟ୍ କରି ସୂଚନା ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
#CIA Director William J. Burns appoints Nand Mulchandani as CIA’s first Chief Technology Officer (CTO).
With more than 25 years of experience, Mr. Mulchandani will ensure the Agency is leveraging cutting-edge innovations to further CIA’s mission.
— CIA (@CIA) April 29, 2022
ପ୍ରଯୁକ୍ତି ଶିଳ୍ପରେ ପ୍ରାୟ ୨୫ ବର୍ଷର ଅଭିଜ୍ଞତା ରଖୁଥିବା ମୁଲଚନ୍ଦାନି ଏହା ପୂର୍ବରୁ ସିଲିକନ ଭ୍ୟାଲି ଓ ଆମେରିକାର ପ୍ରତିରକ୍ଷା ବିଭାଗରେ ବି କାର୍ଯ୍ୟକରିସାରିଛନ୍ତି । ସେ ମଧ୍ୟ କେତେକ ଷ୍ଟାର୍ଟଅପର ପ୍ରତିଷ୍ଠାତା । ଆର୍ଟିଫିସିଆଲ ଇଣ୍ଟେଲିଜେନ୍ସ ଓ ସାଇବର ସିକ୍ୟୁରିଟି କ୍ଷେତ୍ରରେ ତାଙ୍କର ଦକ୍ଷତା ସିଆଇଏ ପାଇଁ ଉପଯୋଗୀ ସାବ୍ୟସ୍ତ ହେବ ବୋଲି କୁହାଯାଉଛି ।
ତାଙ୍କ ନିଯୁକ୍ତି ସମ୍ପର୍କରେ ବର୍ନସ କହିଛନ୍ତି ଯେ, ମୋର ନିଯୁକ୍ତି ପରଠାରୁ ମୁଁ ଟେକନଲୋଜୀ ଉପରେ ସର୍ବାଧିକ ଗୁରୁତ୍ବ ପ୍ରଦାନ କରିଆସିଛି । ମୁଖ୍ୟ ପ୍ରଯୁକ୍ତି ଅଧିକାରୀ ନିଯୁକ୍ତି ଏ ଦିଗରେ ଏକ ବଡ଼ ପଦକ୍ଷେପ । ଏହି ଗୁରୁତ୍ବପୂର୍ଣ୍ଣ ପଦବୀ ପାଇଁ ନନ୍ଦ ଯୋଗ ଦେଇଥିବାରୁ ସେ ଆନନ୍ଦିତ । ତାଙ୍କ ଅଭିଜ୍ଞତାକୁ ବ୍ୟବହାର କରି ସିଆଇଏ ଟେକନଲୋଜୀ କ୍ଷେତ୍ରରେ ନୂଆ ଉଦ୍ଭାବନ କରିପାରିବ ।