ଶେଷ ହୋଇଯାଇଛି ଇଣ୍ଡିଆ ମେଣ୍ଟ : ପଓ୍ବନ ଖେଡ଼ା

ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନ ପୂର୍ବରୁ ବିଜେପି ନେତୃତ୍ୱାଧୀନ ଏନଡିଏ ମେଣ୍ଟକୁ କଡ଼ା ଟକ୍କର ଦେବା ଉଦ୍ଦେଶ୍ୟରେ ଗଠିତ ବିରୋଧୀ ମେଣ୍ଟ ଇଣ୍ଡିଆ ମେଣ୍ଟର ସ୍ଥିତି ଏବେ କଣ ? ଏବେ ଲୋକଙ୍କ ମନରେ ଏହି ପ୍ରଶ୍ନ ଉଠୁଛି। ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ତଥା ଆରଜେଡି ନେତା ତେଜସ୍ୱୀ ଯାଦବଙ୍କ ପରେ ଏବେ କଂଗ୍ରେସ ନେତା ପୱନ ଖେଡ଼ା ମଧ୍ୟ ଘୋଷଣା କରିଛନ୍ତି ଯେ ଏହି ମେଣ୍ଟ କେବଳ ୨୦୨୪ ଲୋକସଭା ନିର୍ବାଚନ ପାଇଁ ଥିଲା । ଅର୍ଥାତ୍ ଏବେ ଇଣ୍ଡିଆ ମେଣ୍ଟର କୌଣସି ଅସ୍ଥିତ୍ବ ଆଉ ନାହିଁ । 

ଦିଲ୍ଲୀ ବିଧାନସଭା ନିର୍ବାଚନରେ ସପା, ଆରଜେଡି, ଟିଏମସି ଏବଂ ଶିବସେନା ୟୁବିଟି ଆମ୍ ଆଦମୀ ପାର୍ଟିକୁ ସମର୍ଥନ କରିବା ପରେ ଇଣ୍ଡିଆ ମେଣ୍ଟକୁ ନେଇ ପ୍ରଶ୍ନ ଉଠିଥିଲା। ପୱନ ଖେଡ଼ା ଏବେ ମେଣ୍ଟକୁ ନେଇ ପଚରାଯାଇଥିବା ପ୍ରଶ୍ନର ଉତ୍ତର ଦେଇଛନ୍ତି। ସେ ସ୍ପଷ୍ଟ କରିଛନ୍ତି ଯେ ଭାରତୀୟ ମେଣ୍ଟ ଲୋକସଭା ନିର୍ବାଚନ ପାଇଁ ଥିଲା ଏବଂ ଜାତୀୟ ସ୍ତରରେ ଥିଲା । ବିଭିନ୍ନ ରାଜ୍ୟର ସ୍ଥିତି ଅନୁଯାୟୀ କଂଗ୍ରେସ ହେଉ କି ଆଞ୍ଚଳିକ ଦଳ, ଦଳଗୁଡ଼ିକ ଆମକୁ ଏକାଠି ଲଢ଼ିବାକୁ ହେବ ନା ଅଲଗା ଅଲଗା ଭାବେ ଲଢ଼ିବାକୁ ହେବ ତାହା ସ୍ଥିର କରିଥାନ୍ତି।