କୋଭିଡ-୧୯ ଭୂତାଣୁ ଉପରେ କଣ ରହୁଛି ବିସିଜି ଟୀକାର ପ୍ରଭାବ? ୬ ରାଜ୍ୟରୁ ହଜାରେ ଲୋକଙ୍କ ଉପରେ କରାଯିବ ପରୀକ୍ଷା
ଆଇସିଏମଆର ଓ ଏନଆଇଆରଟିର ମିଳିତ ସହଯୋଗରେ ଆରମ୍ଭ ହେଲା ଗବେଷଣା
ନୂଆଦିଲ୍ଲୀ: କୋଭିଡ୍ ୧୯ ଭୂତାଣୁ ଉପରେ କଣ ରହିବ ବିସିଜି ଟୀକାର ପ୍ରଭାବ । ଏହାର ପ୍ରଭାବ ନେଇ ଅଧିକ ଗବେଷଣା ଆରମ୍ଭ କରିଛି ଭାରତ । ଏହି ପରୀକ୍ଷାରେ ୬୦ ବର୍ଷରୁ ଅଧିକ ବୟସର ପ୍ରାୟ ଏକ ହଜାର ସୁସ୍ଥ ସ୍ୱେଚ୍ଛାସେବୀଙ୍କ ଠାରେ ବିସିଜି ଟୀକାର ପ୍ରୟୋଗ କରାଯିବ । କୋଭିଡ୍ ୧୯ ସଂକ୍ରମଣ ଅଧିକ ରହିଥିବା ୬ଟି ରାଜ୍ୟରୁ ଏହି ସ୍ୱେଚ୍ଛାସେବୀଙ୍କୁ ଚୟନ କରାଯିବ । ଆଇସିଏମଆର-ଏନଆଇଆରଟି ମିଳିତ ଭାବେ ଏନେଇ କାମ କରୁଛନ୍ତି । ବିସିଜି ଟୀକା କୋଭିଡ୍ ୧୯ ସଂକ୍ରମଣର ହାର କମ୍ କରାଇପାରେ ବୋଲି ଆଶା କରି ଏହି ଗବେଷଣା ଆରମ୍ଭ କରିଛି ଭାରତ ।
Sambad is now on WhatsApp
Join and get latest news updates delivered to you via WhatsApp
ଦେଶରେ ଶିଶୁମାନଙ୍କୁ ଟିବି ରୋଗରୁ ମୁକ୍ତ କରିବାକୁ ବିସିଜି ଟୀକା ପ୍ରୟୋଗ କରାଯାଇଥାଏ। ବହୁଳ ପରିମାଣରେ ଏହାର ବ୍ୟବହାର କରାଗଲେ ଦେଶରେ କରୋନା ସଂକ୍ରମଣ ଓ ମୃତ୍ୟୁ ହାର କମ୍ ହେବା ନେଇ ବୈଜ୍ଞାନିକଙ୍କ ରିପୋର୍ଟ ଆସିବା ପରେ ଏବେ ଦେଶରେ ଏନେଇ ପରୀକ୍ଷା ଆରମ୍ଭ କରିଛି ଆଇସିଏମଆର । ତାମିଲନାଡୁ, ମହାରାଷ୍ଟ୍ର, ଗୁଜରାଟ, ମଧ୍ୟପ୍ରଦେଶ, ରାଜସ୍ଥାନ ଓ ଦିଲ୍ଲୀରେ ଏହାର ପ୍ରାଥମିକ ପରୀକ୍ଷା କରାଯାଉଛି । ଗ୍ରେଟର ଚେନ୍ନାଇ କର୍ପୋରେସନ ଏବଂ ତାମିଲନାଡୁ ସ୍ୱାସ୍ଥ୍ୟ ବିଭାଗର ମିଳିତ ସହ ଯୋଗରେ ଏହାକୁ ଅନୁଧ୍ୟାନ କରାଯିବ । ବିଶେଷ ଭାବରେ ସାରସ୍ କୋଭି ୨ ଉପରେ ଏହାର ପ୍ରଭାବ କଣ , ବୟସ୍କଙ୍କ ଉପରେ ଏହା କେତେଦୂର କାମ କରୁଛି ସେ ନେଇ ଅନୁଧ୍ୟାନ କରାଯିବ । ଏହି ଟୀକା ପ୍ରୟୋଗ ପରେ ସମସ୍ତ ବ୍ୟକ୍ତିଙ୍କୁ ଅତି କମରେ ୬ ମାସ ଯାଏଁ ଅନୁଧ୍ୟାନରେ ରଖାଯିବ ।