ଆଣ୍ଡାମାନରେ ଭାରତୀୟ ନୌସେନାର ଯୁଦ୍ଧାଭ୍ୟାସ ଆରମ୍ଭ
ନୂଆଦିଲ୍ଲୀ : ଚୀନକୁ ଘେରିବା ପାଇଁ ଏକ ବଡ଼ ଧରଣର ପ୍ରସ୍ତୁତି ଆରମ୍ଭ କରିଦେଇଛି ଭାରତ, ଆମେରିକା, ଅଷ୍ଟ୍ରେଲିଆ ଓ ଜାପାନକୁ ନେଇ ଗଠିତ ମହାମେଣ୍ଟ କ୍ବାଡ୍ ।
Sambad is now on WhatsApp
Join and get latest news updates delivered to you via WhatsApp
ଗୋଟିଓ ପଟେ ଆମେରିକାର ଦୁଇ ବିମାନବାହୀ ଯୁଦ୍ଧପୋତ ୟୁଏସଏସ ନିମିଜ ଓ ୟୁଏସଏସ ରୋନାଲ୍ଡ ରେଗାନ ଦକ୍ଷିଣ ଚୀନ ସାଗରରେ ଯୁଦ୍ଧାଭ୍ୟାସ ଚଳାଇଥିବାବେଳେ ଅନ୍ୟପଟେ ଭାରତୀୟ ନୌସେନା ଆଣ୍ଡାମାନ ଓ ନିକୋବର ନିକଟରେ ଭାରତ ମହାସାଗରରେ ନିଜର ଯୁଦ୍ଧାଭ୍ୟାସ ଆରମ୍ଭ କରିଛି । ଏହି ଯୁଦ୍ଧାଭ୍ୟାସରେ ନୌସେନାର ଯୁଦ୍ଧ ଜାହାଜ, ଡେଷ୍ଟ୍ରୟର, ଫିଗେଟ,ବୁଡ଼ାଜାହାଜ, ଯୁଦ୍ଧବିମାନ, ହେଲିକାପ୍ଟର ଆଦି ଭାଗନେଇଛନ୍ତି ।
ଏହି ଯୁଦ୍ଧାଭ୍ୟାସର ନେତୃତ୍ୱ ନେଉଛନ୍ତି ଭାରତୀୟ ନୌସେନାର ଇଷ୍ଟର୍ଣ୍ଣ ଫ୍ଲିଟ କମାଣ୍ଡର ରିଅର ଆଡମିରାଲ ସଂଜୟ ବାତ୍ସାୟନ । ମାଲାକ୍କା ପ୍ରଣାଳୀ ନିକଟରେ ମୁତୟନ ହୋଇଥିବା କେତେକ ଯୁଦ୍ଧଜାହାଜ ମଧ୍ୟ ଏଥିରେ ଭାଗ ନେଇଛନ୍ତି । ନୌସେନା ଏହାକୁ ଏକ ନିୟମିତ ଯୁଦ୍ଧାଭ୍ୟାସ କହୁଥିବାବେଳେ ଚୀନକୁ କଡ଼ା ସଂଦେଶ ଦେବା ଏହାର ଅଭିପ୍ରାୟ ବୋଲି କୁହାଯାଉଛି । କାରଣ ଚୀନ ସହିତ ଯୁଦ୍ଧ ହେଲେ ଏହି ଅଞ୍ଚଳର ଗୁରୁତ୍ବ ବଢିଯିବ । ଆଣ୍ଡାମାନ ଓ ନିକୋବରର ସବୁଠାରୁ ଦକ୍ଷିଣରେ ଥିବା ଗ୍ରେଟ ନିକୋଟର ଦ୍ବୀପ ନିକଟରେ ଥିବା ମଲାକ୍କା ପ୍ରଣାଳୀ ଦେଇ ଚୀନର ୭୦ ପ୍ରତିଶତ ଜାହାଜ ଚଳାଚଳ କରିଥାଏ । ଏହି ଅଞ୍ଚଳକୁ ନିୟନ୍ତ୍ରଣକୁ ଆଣି ଭାରତ ଯଦି ଚୀନର ତୈଳ ଓ ମାଲବାହୀ ଜାହାଜଗୁଡ଼ିକୁ ଅଟକାଇଦେବ ତେବେ ଚୀନ ପାଇଁ ତାହା ଭୀଷଣ ଅସୁବିଧା ସ୍ଷ୍ଟି କରିବ ।